السمكة الطائرة (Flying fish):
تقدر تطير من غير جناحات؟
مش لازم اي كلام تسمعه تاخده ع إنه مجاز وخلاص انا جاي اقولك إنه آه تقدر تطير من غير جناحات ممكن بزعانف عادي
السمك الطائر
هو سمك اسمه إكسوسيتيدي، و معروف بإسم السمك الطائر، و هي عيله من الأسماك عندها القدره على الخروج من البحر و الطيران لمسافات طويلة بـ زعانفهم الصدرية الممدودة اللي شبه الجناحين، و اللي بتديلهم القدرة على البقاء في الجو
وبمجرد وجودها في الهواء، بتقدر تطير عبر مسافات كبيرة. و في العادة بتطير حوالي 50 متراً، ولكن تم تسجيل بعض الأسماك اللي بتطير لمسافة تصل إلى 200 متر أو أكثر.
بعض أنواع السمك الطائر عنده زعانف ضخمة بالإضافة إلى زعانفهم الصدرية الموسعة، واللي بتسمحلهم بمزيد من القدرة على الطيران و قدره اكبر ع المناوره
و بتعرف بإسم الأسماك الطائرة ذو الأربعة أجنحة.
يعني مش بس جناحين تؤ تؤ تؤ أربعه
و علشان تطير من المياه بتحرك ديلها حوالي 70 مرة في الثانية الواحدة. و بعد كده تنشر زعانفها الصدرية و تميل شويه لفوق علشان تستعد للصعود
وفي نهاية الطيران، بتطوي زعانفها الصدرية لإعادة الدخول للبحر
ومن المُعتقد أن السمكة الطائرة طوَّرت القدرة على الطيران للهروب من الحيوانات المفترسة، اللي بتتواجد بكثرة في بيئتها
للأسف السمكه الجميله دي مهدده بالانقراض بطعمها الشهي و اللي موجود كطبق رئيسي ف بلدان زي فيتنام و الكاريبي و اليابان و طبعا و اكيد الصين
في المره الجايه و انت بتسمع أغنيه إبقى خدها على أنها مجاز عادي لأنك معندكش زعانف يا أستاذ
ولا عندك؟
قولنا ف الكومنتات و خدلك لفه ف المصدر هتتبسط و تتفاجيء