فيروس CPIV"الالتهاب الرئوي"
هنتكلم دلوقتي معاكم عن Canine parainfluenza virus infection ) CPIV) وهنعرف هي ايه
1- ايه اعراضها
2- طريقة انتقالها
3- التشخيص
4- العلاج
يلي بينا نبدأ ونعرف وهنتكلم عليهم نقطه نقطه
1- ايه اعراضها
هي عدوى فيروسيه رئويه شديده واحدي مسببات التهاب القصبات الهوائيه trachiobronchitis وهو التهاب حاد ومزمن ف المسالك التنفسيه ويشار اليه ب "سعال الكلب" (canine cough).
الاعراض:- اعراض ( CPIV) تشبه اعراض انفلونزا الكلاب العاديه لكنه ڤيروس مختلف تماما و يتتطلب ادويه ولقاحات اخرى و شدة الاعراض بتختلف حسب عمر الحيوان او استجابته المناعيه
الاستجابه المناعيه بتكون علي شكل
(1) كحه coughing سواء ناشفه او رطبه وممكن تحتوي ع دماء .
(2) حمى fever .
(3) افرازات من الانف واللي بتكون عباره عن مخاط او صديد او حتى دماء.
(4) الخمول وفقدان الشهيه.
(5)التهاب العيون.
2- طريقة انتقالها
الڤيروس بيتنقل عن طريق تطاير الرذاذ سواء الكحه او العطس او استخدام اوعيه للماء والاكل ملوثه.
وكمان الكلب يقدر يستمر في انه يعدي غيره بعد شفاءه بإسبوعين.
واللي بيزيد فرصة اصابة الكلاب بالڤيروس هو اماكن تجمع الكلاب زي shelters ومزارع الكلاب وملاجئ الحيوانات.
2- يمكن حدوث اتحاد بين parainfluenza و ڤيروس canine adenovirus type twoوساعتها هيكونو سبب لاصابة الكلب بال canine cough اللي ذكرناها فوق.
3- التشخيص
اعمل ايه لو لاحظت اي عرض من دول ع الكلب بتاعي؟
ضروري جدا التوجه للطبيب البيطري وتوصفله الاعراض وامتى ظهرت وهل الكلب احتك بأي كلب تاني او لا.
التشخيص diagnose :-
الطبيب البيطري هيقوم بأخد عينه من الدم او افرازات العين او الانف للتأكد من الڤيروس واستبعاد اي امراض اخرى.
لو كان فيه اي مخاوف من اصابة الكلب بالتهاب رئوي pneumonia هيقوم بعمل X-ray ع صدره للاطمئنان عليه.
التشخيص السريع ضروري جدا للكلب لتلقي العلاج والحجر الصحي اللازم لمنع انتشار الڤيروس شديد العدوى للكلاب الاخرى.
4- العلاج
بعض الكلاب ممكن تتعافى بدون اي ادويه لكن بشكل عام بيتم اسخدام الادويه المضاده للفيروسات ntiviral medications لتقليل انتشار الڤيروس واستخدام المضادات الحيويه Antibiotics لعلاج أي عدوى بكتيريه .
لو كان الكلب عنده سعال جاف بيتم استخدام مثبطات للسعال (cough suppressants) ومسكنات للالم وده لان السعال المستمر على فتره زمنيه طويله ممكن يسبب مشاكل في انسجة الرئه.
يتعافى الكلب بعد اسبوعين من الرعايه والحجر الصحي.