تحليل شامل للدم

النهارده في التحاليل هنتكلم عن تحليل بيطلب من اي حد رايح لدكتور اول حاجه الدكتور بيطلبها اعملي لو سمحت CBC حتي لو مفيش أعراض بس كأنه بيعمل check up علي صحتك كده⁦ 

هنتكلم عن ايه بقي في التحليل ده تعالوا نشوف 

- ⁦معلومات عن التحليل ده وتعريفه

- بيتعمل امته

⁦- نتائج التحليل وبيترابين كام لكام الطبيعي 

- ⁦طريقة عمله 

⁦يعد Complete blood count ) CBC) أحد تحاليل الدم الشائعه والمشهوره جدا في تشخيص الأمراض وحالات العدوي وغيرها

ببساطه التحليل ده بيدينا تفاصيل عن خلايا دم حمراء red blood cells وخلايا الدم البيضاء white blood cells  و الصفائح الدمويه plateles 

بيقيس مستوي كل منهم في الدم وهل ده normal ولا في زياده او نقصان وغير طبعا أنه بيحدد الحجم والشكل والمكونات التي تحتويها 

⁦امتي بنعمل CBC 

1-التحليل ده مهم جدا زي ماقولنا فوق علشان نطمن علي صحتنا وده غير طبعا أنه المفروض يكون جزء روتيني من حياتنا كل فتره لمراقبة الصحة العامة وتشخيص الاضطرابات مثل فقر الدم 

2-تشخيص الأمراض في حالات الضعف والتعب والحمي والالتهاب والكدمات 

3- الحالات المرضية التي تؤثر علي عدد خلايا الدم 

4-مراقبة العلاج الطبي حيث أن الكثير من الأدوية لها تأثير علي عدد خلايا الدم

⁦نتائج ال CBC 

الطبيعي في عدد خلايا الدم الحمراء بيكون 4.5 -5.9 في male وبيكون 4.5_5.1في female 

ولو لاحظنا انخفاض عدد الخلايا ده بيدينا indication علي وجود نزيف حاد أو مزمن 

الشائع بقي نقص العناصر الغذائية مثل الحديد وفيتامين B12 وحمض الفوليك وبرده تشير للاصابه باضطرابات نخاع العظام والالتهابات 

‏

طب لو في زياده عن المستوي الطبيعي ده هيكون بسبب الاصابه بالجفاف وأمراض الرئه واوروام الكلي⁦ 

الهيموجلوبين بتكون نسبته الطبيعي في الدم بين 175_140 غم /لتر في الذكر و 153_123 في الانثي 

وممكن تزيد أو تقل نتيجه الاسباب التي ذكرت عن الحديث عن خلايا الدم الحمراء الهيماتوكريت تتراوح بين 41.5_50% في الذكر و36.9_44.6% في الانثي  

خلايا الدم البيضاء تتراوح بين 4500-11000خليه /ميكرومليتر من الدم ولو في نقص هيكون بسبب اضطرابات نخاع العظام وأمراض المناعة الذاتية والالتهابات الحاده وسرطان الغدد الليمفاوية وغيرها من أنواع السرطان 

طب لو في زياده ده نتيجه الاصابه بعدوي بكتيريه أو فيروسيه والالتهاب واللوكيميا والاورام إضافة إلي حالات الربو والحساسية

الصفائح الدموية 150-450 الف خليه /ميكرو لتر وقد ينخفض مستوي الصفائح بسبب العدوي الفيروسيه والحمي الزرقاء ونتيجة مهاجمه الاجسام المضاده

وكمان الصفائح الدمويه بتقل بتناول بعض الادويه وعقاقير السلفا وايضا الإصابة باضطرابات المناعة الذاتية وتعفن الدم وسرطان الدم والغدد الليمفاوية وفي حالات العلاج الكيميائي والاشعاعي يمكن أن ترتفع كمية الصفائح الدموية بسبب الاصابه ببعض أنواع السرطان

⁦كيفية إجراء التحليل 

⁦التحليل بيتم بطريقه سهله وبسيطه عن طريق اخذ عينه من الدم من وريد من ذراعك أو اصبعك أو الكعب في حالات حديثي الولاده  .

ومش لازم تحس بمرض أو تععب علشان تعمل التحليل لا اعمله علشان تطمن علي صحتك