التهاب الكبد الوبائي المعدي ( canine infectious hepatitis ) 

 هنتكلم عن مرض فيروسي  بيصيب الكلاب الا و هو التهاب الكبد الوبائي المعدي ( canine infectious hepatitis ) 

نتكلم عن ايه بقي فيه

1- المسببات 

2- الاعراض 

3- التشخيص

4- العلاج

5- طريقة الوقاية

يلي بينا نبدأ ركزوا معايا كده 

السبب :

 زي مزكرنا أنه مرض فيروسي فالمسبب ليه هو فيروس اسمه adenovirus 1 و دا بيكون سببه حاجتين في الأغلب 

1- اكل طعام ملوث محتوي علي الفيروس . 

2- مخالطة كلب تاني مصاب بالفيروس سواء بشكل مباشر او غير مباشر 

مباشر أنهم يلعبوا سوا

 غير مباشر أن الكلب السليم يسكن في بيت كلب كان مصاب بالفيروس أو يستنشق ال urine و ال feces بتاعته ودا لأن الفيروس دا contagious يعني معدي .

الاعراض :

1- الحمي الكلب حرارته عاليه .

2- خامل طول الوقت نايم و تعبان كدا .

3- في اضطرابات دائما في المعده و وجع في البطن .

4- بيبقي فيه علطول diarrhea و vomiting يعني تقئ و اسهال 

5- احيانا التهابات في العين و الانف و طبعا التهاب في الكبد .

6- في حاجه مميزة حبه الا و هي أنه بيبقي عطشان دائما عاوز يشرب كتير .

7- احيانات بيكون فيه odema( تجمع ماية او سوائل تحت الجلد). 

 التشخيص :

نمشيها في صورة تسلسل (sequence) كدا

1- اول حاجه نسأل الاونر !؟

هل اطعم و هو عنده شهرين تطعيم ثماني ؟! 

هل خالط كلب مصاب !؟ 

 هل بيقعد دايما خامل كدا ؟! 

  هل بيعطش علطول !؟

2- نعمل تحاليل canine infectious hepatitis labs و نشوف الفيروس موجود ولا لا . 

3- لو لقينا أن الفيروس موجود زيادة تأكيد نعمل سونار علي الكبد نشوفه ملتهب ولا لا .

العلاج

حاله زي حال أغلب الفيروسات مفيش علاج مخصوص specific يعني لفيروس الاينو وانما انت بتعطيه ادويه تعالج الأعراض مثلا تديله مضدات التهاب ،مضادات حيويه ، خافض للحرارة 

الفيروس بياخد مدته و يروح لو استحمل الكلب الدوا مع الأعراض ، لو مستحملش ممكن يتوفي . 

الوقاية 

انك تحصن ضد الادينو فيروس عند عمر من ٦ ل ٨ اسابيع  و تقلل اختلاطه بيحيوانات عليها اعراض.