كلاميديا القطط
هنتكلم معاكم دلوقتي عن مرض كلاميديا القططالا هو ( Feline Chlamydiosis ) or ( Feline Pneumo nitis.)هنتكلم في المرض دا عن
1- تعريفه و شوية معلومات عنه.
2- أعراض المرض.
3- تشخيص المرض.
4- طرق إنتقال المرض.
5- الوقاية من المرض.
6- علاج المرض.
7- تطعيم المرض.
8- أكثر الفئات المستهدفة بالمرض دا.
9- هل المرض بيصيب الإنسان ولا لا.
1- تعريفه و شوية معلومات عنه.
كلاميديا القطط: هو مرض بكتيري فيروسي ، إزاي بكتيري فيروسي ؟! ما هوا يا إما بكتيري يا إما فيروسيالعلماء لسه ما حددوش تصنيفه بس رأي الأغلبية بيقول إنه بكتيري، لأن المرض عبارة عن كائنات حية دقيقة داخل الخلاياأول ما نعرف هما رسيوا على إيه هنبلغكم ان شاءالله، وهو مرض شائع شديد العدوى، وبيكون ناتج عن الطفيليات داخل الخلايا، ويمكن للطفيليات دي إنها تعيش على الأغشية المخاطية للجهاز التنفسي، ويمكن ان تنتشر الى الرئتين والجهاز الهضمي والجهاز البولي التناسلي، وبيعمل ضرر للعينين، وصعب انك تقضي على المرض دا لأنه زي ما قولنا إنه مرض بيكون وسط ما بين الفيروسات والبكتيريا.
2- أعراض المرض.
زي ما قولنا إن مرض الكلاميديا بيأثر على أجهزة مختلفة من الجسم ف اكيد اعراضها بتختلف، و الأعراض كلها بتظهر لكن بالتدريج، لأن المرض بيتدرج على مراحل، و الأعراض م بتظهرش في المراحل الأولية للمرض، ولكن بتبدأ في الظهور بعد اسبوع او اسبوعين من الإصابة، و تعالى احكيلك عن تطور المرض وأعراضه:المرض بيصيب اول حاجة الجهاز البصري وأعراضه بتكون:* إعتام عدسة العين.* إلتهاب القرنية.* العمى في عين وحده او الإثنين.* إحمرار وتورم الأغشية المخاطية للعين.* بتنزل إفرازات من العين، بتكون أولها افرازات مائيه وبعدين بتبقى إفرازات خضرا وبعدين صفرا.* هتلاقي القط دايما مغمض عينه وبيدمع.و بعد كدا بيتطور ويبدأ يصيب الجهاز التتفسي وأعراضه هي:* إلتهاب الأنف.* إلتهاب البلعوم.* إلتهاب الشعب الهوائية.و من الصعب إكتشاف إن مرض الكلاميديا أصاب الرئة، لأن الإلتهاب الرئوي بيحصل في مناطق صغيرة جدا، بس ممكن نلاحظ الأعراض دي:* إفراز مخاط من الأنف.* سعال.* زيادة في درجة الحرارة.* تنفس خشن.* وبيعاني من ضيق ف التنفس.* الخمول و اللامبالاة.و بعدين هيصيب الجهاز الهضمي وأعراضه هي :* إلتهاب الأمعاء.* فقدان في الشهية.ونادرا ما يوصل المرض للمرحلة دي و يصيب الجهاز التناسلي: و الكلاميديا ما بتظهرش في الجهاز التناسلي أعراض واضحة لينا، ولكن القطط بتعاني من آلامها، ومن الأعراض دي:* التدفقات الكثيرة من منطقة الفرج.* التبول المتكرر.* إفراز طفيف من الإحليل ( عضو ذكري ) أو المهبل ( عضو انثوي ) .و على الرغم من العلامات التي بتظهر بتبقى باينة لينا إنها مش خطيرة، إلا أنها بتؤدي إلى:* عقم الحيوانات.* ولادة القطط غير قابلة للحياة .* الولادة المبكرة في القطط .* الإجهاض.3- تشخيص المرض.
في علم الأمراض بيشير إلى صعوبة في التشخيص، و السبب الرئيسي هو أن الصورة السريرية للكلاميديا بتشبه أمراض كثير منها المعدي و الغير المعدي، و فوق كدا إنه ممكن تظهر أعراض كثير في وقت واحد.- أيوهه برضوا ما قولتليش أشخص إزاي؟!1. هتاخد مسحة من العينين ومخاط الأنف.2. هتبعتها للمختبر عشان يحددوا العامل المسبب للمرض.3. هتعمل فحص دم لتحديد وجود أو عدم وجود أجسام مضادة لـ Chlamydophila Felis، و لإكتشاف زيادة عدد كرات الدم البيضاء.4. الفحص المختبري للمسحات من العينين والأنف والأعضاء التناسلية.5. هتعمل اختبار كشط من الملتحمة للحمض النووي ومستضدات الكلاميديا.6. ولو كان في أعراض رئوية ف إنت هتعمل للقط أشعة سينية.و في المعامل البيطرية: هيعاينوا المسحة اللي انت بعتها ليهم تحت الميكروسكوب، وبيعملوا ليها تشخيص اسمه ( التشخيص الجزيئي ) زي تشخيص تفاعل البوليميراز المتسلسل polymerase chain reaction ( PCR ) او تشخيص ال ( ELISA ).
4- طرق إنتقال المرض.
المرض دا بينتقل من خلال طرق مباشرة وطرق غير مباشرةالطرق المباشرة:* عن طريق إتصال القطط مع الأم المريضة.* أو عن طريق إتصال القطط المنزلية مع الحيوانات الضالة، في وقت صيد الطيور والقوارض.* عن طريق الاتصال مع البراز والبول من حيوان مريض.* عن طريق إتصال القطط مع بعضها خلال عملية الجنس.* من خلال القطط الموجودة في الملاجئ ودور الحضانة.الطرق الغير مباشرة:* من خلال: القمامة، و الأطباق، و الأحذية، والملابس، واليدين.* و من خلال الطعام.
5- الوقاية من المرض.
هتقولي طيب إزاي أحمي قطتي من المرض الخبيث دا؟!
* إلتزم بالتطعيمات الدورية للقطط عشان تحد من إصابتها بالكلاميديا ( التطيعم الرباعي ) وهكلمك عنه بعد شوية.
* و النظافة اهم حاجة، اهتم بنظافتك و إغسل إيدك اول ما ترجع من الشارع، و إغسل كل حاجة بتخص القطة كويس زي طبق الأكل و كل حاجة بتخصها.
* إتأكد إن معندكش أي قوارض ف البيت، لأن القوارض بتعبر حلقة وصل مهمة في حياة كتير من مسببات العدوى للحيوان والإنسان كمان.
* انتبه تخلي قطتك تتعامل مع الحيوانات البرية والضالة بشكل خاص.
* قوي مناعة قطتك عن طريق الفيتامينات واتباع تظام غذائي كويس.
* ماتخليش القط يأكل أي حاجة من الشارع.
* انتبه تخلي القط يتزاوج مع قط تاني مريض.
* لازم تعمل فحص دوري للقط على الكلاميديا، خاصة اذا كان القط بيتعامل مع عدد كبير من الحيوانات.
7- تطعيم المرض.
علاج المرض دا بيعتمد إلى حد كبير على صحة التشخيص، يعني لو كان تشخيصكك كويس 100% هتعرف تعالج المرض دا، والعدوى هتختفى مرة بعد مرة والكلاميديا ما بتعتبرش مخيفة مقارنة بمرض الميكروفلورا الثانوية
عشان الميكروفلورا بتتكاثر بشكل رهيب جدا على الخلايا المصابة، مما يؤدي الى تدهور حالة القطة بشكل كبير، و العلاج بيتم عن طريق استخدام أدوية ومضادات ومراهم مختلفة على حسب الحالة و مكان الإصابة :
وبالنسبة للعيون: هتنظفها اول حاجة من القيح والقشور الجافة بمسحة مغموسة في مرق الملح او البابونج، وكل عين بتنظفها بمسحة خاصة فيها
وبعد كدا علاجها بيكون استخدام مرهم الTetracyclines و مرهم ال Erythromycin و بتدهن بيه تحت الجفن من مرتين لتلاتة مرات ف اليوم، و هتستخدم كمان قطرة للعين زي قطرات ( ديكت 2، و البارات، و قطرة إيريس ).
وبالنسبة لباقي أجهزة الجسم :ف الطبيب البيطري بيحددلك مضادات حيوية على حسب الحالة ومسار العلاج بالمضادات الحيوية لا يقل عن 4-3 أسابيع لضمان القضاء تماما على العدوى والتأكد من عدم تكرار الإصابة
و إذا كان المرض خفيف ف ممكن نستخدم المضادات الحيوية عن طريق الفم بجرعة 10 KG/ MG، أما اذا كان المرض خطير و ف المراحل المتقدمة ف ممكن نعطي المضادات الحيوية عن طريق الحقن ومن المضادات الحيوية دي:
* مضاد التتراسيكلين ( Tetracyclines )
* مضاد الدوكسيلين ( Doxycycline )
* مضاد المينوسكلين ( Minocycline )
* مضاد الفبراسين ( Vibramycin )
* مضادات أخرى
بس خلي ف بالك إن الدكتور لما يوصف المضادات دي ف إنت لازم تمنع منتجات الألبان من النظام الغذائي للقطة، لأنها بتشكل مجمعات غير قابلة للذوبان مع أيونات المغاغنسيوم و الكالسيوم، وبيقلل من فعالية العلاج المضاد للبكتيريا.
بيصف الطبيب البيطري شوية منبهات للمناعة ( Immunomodulators ) زي ال T- activin و ال Ribotan
كل ما كان العلاج أسرع كل ما نسبة الشفاء بتكون اكبر و حابب أقولكم على حاجات مينفعش تعملها :
1. ما تستخدمش أي علاج شعبي.
2. ممنوع تعطي أي ادوية مضادة للبكتيريا، لأن دا ممكن يؤدي إلى أمراض مزمنة.
3. مش كل المخدرات بتأثر على الكائنات الدقيقة.
4. لو انت دكتور انتبه توصف البنسلين والسلفوناميدات مع العلاج المضاد للبكتريا، لأنها ما بتأثرش على الكلاميديا.
5. و اوصف يا دكتور البروبيوتيك للحفاظ على البكتريا المعوية العادية.
هنتكلم دلوقتي عن تطعيم الكلاميديا:
التطعيم دا ما بيضمنش حماية بنسبة 100% ضد العدوى، بس بيقلل شوية من شدة الأعراض و بيسهل العلاج والتطعيم دا بيكون خطير جدا يعني الدكاترة البيطريين ما بيستخدمهوش إلا في الحالات الخطير جدا واللي مش نافع معاهم العلاج
وبتكون خطيرة أكثر اذا انتشر المرض في المنطقة اللي بيعيش فيها الحيوان و بتحتوي على عدد كبير من الحيوانات زي الملاجئ و دور الحضانة
والتطعيم دا خطير لأن ممكن يكون له تأثيرات جانبية خطيرة زي: العرج، و فقدان الشهية، و الحمى، والإكتئاب، والخمول، وبيتم التطعيم اذا لزم الأمر في عمر من 8 إلى 10 أسابيع، و بيتعاد بعد 3 او 4 اسابيع، و مدة مناعة التطعيم دا سنة وحدة بس.
8- أكثر الفئات المستهدفة بالمرض دا.
عادة ما تصيب الكلاميديا القطط الصغيرة في عمر من 5 إلى 12 أسبوع، و خذها كقاعدة عامة عندك، القطة الكبيرة بيكون جسمها صحي ف بيكون عخا مناعة قوية ف عشان كدا بتكون أقل الفئات اللي بتنصاب.
وأكثر الفئات أكيد هتكون القطط الصغيرة ( كيتن )، و حابب اقولك إن المرض دا ما بيسببش إجهاد وبس، لا وكمان بيتوقف عنده تطور الجهاز المناعي، لأنه بيمتنع من الرضاعة من الأم يعني بيمتنع من لبن السرسوب اللي بيقوي جهاز المناعة وبيحد من العدوى.
و السؤال االي انت مستنيه طبعا من بداية كلامنا عن المرض
9- هل المرض بيصيب الإنسان ولا لا.
هقولك إن نقل العدوى للإنسان بيكون نادر جدا جدا جدا، و حتى لو الإنسان انعدى بتصيب عينه بس و ما بيأثرش على باقي الأجهزة زي القط، ولما تنصاب عينه بتتعالج بسرعة بالمضادات الحيوية.