هنتكلم عن ايه بقي فيه :

1- قط مكلبظ وحلو كدا بسبب شعره الكثيف ودهون في جسمه بتخلي شكله لطيف وهو بيتميز كمان بالقوة والتوازن وعنده بنية جسمية قوية يعني من الأخر كدا قط صحتهه حديد.

وهو من القطط الرشيقة جدا، والسلاسة دي من القطط متميزة بهدوء طبعها وبأنها ودودة ولطيفة جدا، ومحبوبة والقط السيبيري دا قط حنين أويوما بيستحيش ابدا وبيحب الإهتمام جدا يعني لو ماهتمتش بيه نهارك أبيض هيبصلك كدا بصة (الإهتمام ما بيطلبش)وبيزعل بجد والله، وهو قط ذكي جدا.

القط السيبيري دا بيشبه الكلاب شوية في السلوكيات زي مثلا أنه بيحب يجري على باب البيت ويستقبلك وهو فرحانويقعد يمشي وراك ف البيت طول اليوم يعني زي ما بيقولوا قط ملزق كدا، ويُستحسن إنك تنده عليهم بأسماء لأنهم بيحبوا كدا وبيجرولك بسرعه لمن تناديهم بأسمائهم.

2- امتى ظهر القط دا كان اول ظهور للقط السيبيري دا في روسيا وتم إثبات انه موجود في روسيامن مئات السنين، وكان القط دا بيعلب دور مهم في المزارع الروسية حيث إنه كان يعمل كمكافح للقوارض.

3- اوصفلي شكله كده 

لون عينيه بيختلف من قط للتانيفي قطط بتظهر باللون الأخضر، وقطط تظهر باللون الأزرق، وقطط تانية بتظهر باللون الذهبي، والقط دا جبهته بتكون واسعة

آذنهه حجمها بيكون متوسط، والفرو بتاعها مكون من ثلاثة طبقات

الناس اللي عندها حساسية او جيوب أنفية ما تخافش عشان القط السيبيري م بيأثرش على الحساسية ابدا ولو أثر بيأثر تأثير بسيط و وزن الأنثى من السلالة دي بيبلغ من 4 إلى 5 ونص كيلوجرام، والذكر من 4 إلى 7 كيلو جرام.

4- سلوك القط السيبيري دا قط نشيط جدا وبيحب اللعب وخصوصًا مع الأطفال المؤدبين وبيستخدم صوت النقيق لمن بيكون عايز يرحب بحد، وهو قط إجتماعي جدا وبيحب كل الناس يعني بيتأقلم مع أي شخص بسهولة جدا وبيعيش معاه في سعادة كاملة

لما تيجي تمشطله فروهه بيقعد في حضنك بكل هدوء قولنالكوا حنين⁦ وكمان بيكون وفي ومخلص لصاحبه جدا.

5- بس في بعض الأنواع من السلالة دي بتواجه مرض وراثي اللي هو hypertrophic cardiomyopathy - اعتلال في عضلة القلب الضخامي (وهو شكل من أشكال أمراض القلب التي بتسبب سمك عضلة القلب)⁦