الغزال
هنتكلم بقي بالتدريج عن ايييه تعالي اقولك
1- الشكل والمميزات
2- الصفات
3- أنواعه وهنا هقولك الحيوان بتاعنا ايه هو
4- اماكن تواجده
5- ولادته
6- انقراض بعض اصنافه
1-الشكل
اللي مميزة بعيونها الواسعة والسودة مع قرونها اللي بتتمايز من سوداء ملساء أو قرنان بحلقات متدرجة حولهما و غالباً ما بيكون القرون علي شكل حدوة الحصان(و مننساش إن قرون الأنثي أدق من الذكر)وأذناه طويلة
ذيل وشعر قصير وناعم ويميل لون ظهره للبني الفاتح مع خطوط بنية غامقة عند الخاصرة و لون بطنها أبيض خالص وسريعة لدرجة ممكن تسبق الكلب وحتي يمكنه القفز حتي ارتفاع مترين
(وهو vegetarian عادي يعني بياكل حبة عشب و غصون و ورق شجر براعم نباتاتولو في جفاف بتاكل شجيرات صحراوية جافة عادي برضو ولو في مياه كتير يشرب كتير ولو مفيش يتحمل الجفاف لفترات طويلة مفيش مشكلة).
2- بعد ده كله نقدر نقول كنا بنتكلم عن حبة صفات صغيرة كده أما مميزاته بقي تعالوا كده معانا كملوا يمكن تعرفوه
حاسة بصر أو شم أو سمع كلها قوية جداً وحيوان اجتماعي جداً ولو في أي خطر القطيع كله بيهرب مع بعض وطبعاً الكلام ده بفضل حواسه القوية و اللي بتساعده كمان في البحث عن غذائه
من الغريب في الحيوان ده إنه بتحدد مكان عيشها بواسطة بولها و أكوام من البراز ونقدر نسمي الأماكن دي زي محطات رائحة واللي بيستخدموها القطعان عشان يتواصلوا مع آخرين في نفس المنطقة.
دلوقتي نقدر نقلكوا أنواعه لأنكوا أكيد عرفتوا إن إحنا بنكلمكوا عن الغزال اللي الذكور منها أجسامها قوية وضخمة أما الإناث بتكون أرشق وذات انسيابية وجمال ورشاقة(لا ده مش إنتي دي الغزالة )
3- عندنا بقي أنواع كثيرة واللي بيندرجوا تحت ثلاثة أقسام (غازيلا،ايدوركاس،نانجير)أما أنواع منه مثل:
- غزال الريم(الرمالي)
- غزال الآدمي(العربي)
- غزال يمني
- الغزال العفري
- الغزال الأحمر
- غزال شائك القرن
- غزال غرانت(من أشهر الأنواع ويمتلك رقعة بيضاء علي الأرداف والتي تميزه).
- غزال طومسون(مشهور أيضاًولكنه أصغر حجماً من غرانت ويوجد شريط أسود سميك علي جانبي).
- غزال المسك
- غزال الأريل
4-اماكن تواجدهم
طبعاً مع كثرة أنواعه فأماكن تواجده كثيرة جداً أيضاً بحيث أنك تلاقيه في أفريقيا في أمريكا الشمالية تلاقيه و وسط وجنوب آسيا وحتي في أوراسيا (وطبعاً لف و دور بقي في صحاري رملية أو أودية جبلية هادية ومنور الجزيرة العربية)
أما بقي لو فكرنا نتكلم عن حجمه مش هنقدر نحدده لأن في كبير جداً (زي الموس اللي طوله بيوصل تقريباً لمترين ،وزنه ل820 تقريباً)وصغير جداً(زي الجرو الجنوبي طوله 36cm ،وزنه 9kg).
بعد ما تكلمنا بقي عن الغزال الجميل بقي عندنا فضول دلوقتي نعرف نوْر كوكب الأرض الجميل ده إزاي (التكاثر يعني اللي بيحصل عنده من أغسطس حتي ديسمبر)
5- ولادته
تعالوا أكملكوا الحكاية دلوقتي عندنا غزالة قمر بعد حملها حوالي 10شهور بتولد الوليد (غزالة جميلة كده بتتولد بيكون فيها بقع بيضاء تزول مع الوقت واللي بتلدها في فصل الربيع وبتكون غالباً واحدة لكن غزالة الريم خصوصاً بتقدر تولد توأم )
أول أسبوعين تقريباً فالرضيع مرتبط بأمه يتعلم منها بقي وعشان الأمان وبيرضع من أمه ولكن مع ذلك بعد ساعات من جفاف جسمه يستطيع الجري أيضاً ولكن بتحرص علي تخبأته أول أسبوع بين العشب
وبعد 8أسابيع بيقدر يعيش بدون حليب الأم وتبدأ تترك الأم وتشارك في نشاطات القطيع الأنثوي وتتعلم إزاي تتفادي الخطر والتكيف مع البيئة
6- انقراض انواع منه
وهوووب النمو اكتمل يبقي الغزالة تبقي في القطيع و الغزال علي مجموعة العزاب.
وللأسف منقدرش نتكلم مرة عن حيوان إلا ونحزن في الآخر لإنقراضه أو إنقراض فصائل منه وده بينطبق أيضاً علي الغزلان حيث أن هناك فصائل انقرضت و يوجد ما أوشك علي ذلك...طب ليه طب...نقولك ليه
طبعاً مشاكل الجو والكوكب الغريب بتاعنا اللي جسمنا حتي مش قادر علي تحملها أكيد هيقدر يأثر علي الحيوان الجميل ده وبالإضافة طبعاً لوجودنا كجنس بشري علي الكوكب وده طبعاً لقيامنا بالصيد الجائر لحيوان جميل زي ده
(استخدموه في عمل المسك أو استخدام جلده اللي بيتميز بجماله أو قرونه في أدوات للحياة العملية أو حتي للأكل لأن لحمه صالح للأكل )
وطبعاً ده سبب في انقراض فصائل كتير مثلالغزال الإيرلندي والذي كان من أكبر الفصائل والذي حدث اختفائه فجأه لأنه كان في العصر الجليدي وكان في قلة لتوافر الطعام.
أيضاً انقراض الغزال السعودي في عام 2008 تقريباً بسبب صيده كثيراً.
استنوا بعد كل ده مش هتمشوا بنهاية حزينة فحبينا بس نقولكوا معلومة صغيرة في الآخر كده مثلاً
الغزالة(الأنثي يعني) ليها أسامي كتير زي(الظبية،الشادن،الخولة،الخنساء).
صوت الغزال اسمه(سليل).