الجمرة الخبيثة
سمعت عن الجمرة الخبيثة قبل كدا !؟
طب تعرف كانو بيستخدموها في ايه زمان !؟
طب هو ليه اسمها غريب و مرعب كدا
يلا بينا نبدأ رحلتنا مع المشتركة مرض النهارده انتشر في فترة زمان و كان مميت الجمرة الخبيثة اتسمت كدا عشان شكلها كلمة جمر يعنى فحم مولع لما بيتحط على الجلد بيحرقه و هو دا الشكل اللي بيحصل للجلد لما الشخص يتصاب بالجمرة الخبيثة
طيب بقا ايه هو سبب المرض !؟
سبب المرض هو بكتيريا اسمها Bacillus anthracis او الانثركس...زمان كانت البكتيريا دى بتستخدم في الحروب البيولوجيه كان الجيش بيموت اسرى الحرب عن طريق السلاح الخطير ده اللي كانو بيسموه زمان العامل N
في سنة 2001 ظهرت فيها مشاكل الجمرة الخبيثة من تاني كانت الضحية بيجلها ظرف مقفول و اول ما يفتح الظرف بيستنشق الهواء اللي جواه بسبب خروج البكتيريا منه ودا بيسبب مرض الجمرة الخبيثة
البكتيريا اللي بتسبب المرض ده بتصيب الحيوانات الاكلة للعشب زي الماعز و الخرفان والماشية عامة وبيحصل عدوى للشخص لما بياكل اي حاجه جايه من الحيوانات المصابة او لمس اي حاجه مصنوعه منه زي جلود او صوف الحيوانات او عن طريق الشم واكتر ناس عرضة للمرض ده هم رعاة الغنم و الماشية
سبب خطوره البكتيريا دي انها مقاومة لكل الظروف اللي حواليها يعنى تقدر تعيش في اي حتة واي ظروف
في سنة 1954 حصلت الطفرة وهي انه جه عالم اسمه لويس باستير قدر يصنع لقاح للمرض ده
لكن الخوف في المستقبل هو استخدامه في اذية البشرية زي ما رجع في 2001 فى شكل الاظرف
لأن الاسلحة البيولوجية اخطر من اي نوع تانى من الاسلحة لانهاا هي اللي بتسبب دمار كامل للبشرية ويصعب السيطرة عليها
في نوفمبر 2008 كانت اخر حالة وفاة اتسجلت بالمرض ده
طيب الجمره الخبيثه او الحمى الفحميه دى ايه منشأها:-
اقولك انا الحمى الفحمية هي مرض بري حيواني التوطن ينشط في بعض المناطق التي يتلوث فيها باطن الأرض بواسطة الأبواغ ( زي دفن الجثث ،الخ). التي تصعد الى السطح عن طريق ديدان الأرض والفيضانات وحركة المياه الجوفية وأعمال الصرف.
ممكن كمان الحمى الفحمية تكون مرض مستورد عن طريق استعمال الأعلاف الكاملة المحضرة من مواد خامة ملوثة (العظام المستوردة مثلا).
ممكن تتم الإصابة بهذا المرض في أي فصل من فصول السنه وفي أي مكان عادى، من طرف أنواع حيوانية مختلفة (الخنازير، المجترات)، كمان ممكن يأثر في نفس الوقت على العديد من الحيوانات، في مختلف الضيعات التي تستعمل نفس الأعلاف الملوثة بالأبواغ.
الاعراض بقي اللى بتظهر ع الشخص او الحيوان المصاب
تشمل ارتفاع درجة حرارة الجسم بصورة خطيرة وحدوث تشنجات عضلية شديدة وسرعة ضربات القلب...السعال..الرعشة... توتر بالصدر أحيانا .
بعد مرور يومين إلى خمسة أيام من الأعراض دى تبدأ المرحلة الثانية للمرض
ودى بتكون مرحلة صعبة، لان بتظهر خلالها الأعراض التالية: ضيق في التنفس, التعرق, الزُّرقة, حمى شديدة والإصابة بالصدمة أو الهلع. ينشأ عند 50% من المصابين التهاب غشاء الدماغ.
هتسألنى اكيد ازاى نشخص الجمرة الخبيثه:
بص التشخيص بيبقي عن طريق الاختبارات الجينية..
فحص عينات من الجلد، أو السوائل، أو البراز، أو زرعها مخبريًا
اختبارات الدم احيانا... و التشخيص للجمرة الخبيثة اللى بتصيب الجهاز التنفسي بيبقي بواسطة علامات مرضية معينة، كتصوير خاص للصدر وتشخيص الجراثيم عن طريق اننا نزرعها ع blood culture.
طريقة انتقال المرض ده كالتالى :-
الجمرة الخبيثة عامة بتصيب الثدييات آكلة الأعشاب البرية والمستأنسة، اللى بتاكل أو تستنشق الجراثيم أثناء الرعي وغالبا بيكون الابتلاع هو الطريقة الأكثر شيوعا للاصابه.
اما الحيوانات آكلة اللحوم اللى بتعيش في نفس البيئة تصاب بالعدوى عن طريق افتراس الحيوانات المصابة اللى هى اكلت العشب الملوث فوق دى انت مركز معايا ولا توهت .
وممكن الحيوانات المريضة تنقل المرض إلى البشر، إما عن طريق الاتصال المباشر (مثل تلامس الدم المصاب بالجلد المفتوح) أو ان الانسان يأكل لحم الحيوانات المريضة دى.
و الجراثيم المسببه للمرض دى ممكن تنقل عن طريق الملابس والأحذية وممكن تكون جثة الحيوان الذي نفق بسبب الجمرة الخبيثة مصدر لجراثيم الجمرة الخبيثة.
اهم حاجه الوقاية منها : ودى بتكون ببساطه عن طريق اتباع خطوات الوقاية، واللى بتتلخص ف الحماية عن طريق استعمال قناع (كمامة) والتواجد بقرب مكان محمي ونضيف بالاضافه ان لو في جثه حيوان معروف انه مصاب بالحمي الفحميه ممنوع يتشرح وبيدفن فالجير الحي وبيتبلغ السلطات المسؤوله لان الsporesبتفضل موجوده فالمكان احيانا لغايه 50سنه.
واخيرا لعلاج الجمرة الخبيثة :
هنقسم علاج الجمرة الخبيثة الطبي إلى: علاج وقائي + علاج لآثار المرض عند الإصابة بها.
يتم استخدام علاج المضادات الحيوية للى اتعرضوا للجرثومة بدون التسبب ف الإصابة بالمرض، لان العلاجات دى هتمنع ظهور المرض.
يتاخد العلاج ده للمصاب على مدى 60 يوم أو لغايه لما يكون حصانة أو مناعة جسدية ـ عن طريق التطعيم .
تستعمل علاجات المضادات الحيوية كمان في علاج المصابين بالمرض، والذين تظهر لديهم أعراضه وبيتم تلقي العلاج عادة في المستشفى.
وبيتسخدم كمان مصل التطعيم المناسب المضاد لمرض الجمرة الخبيثة، وبيتم التطعيم بالمصل اللى جرعته بتكون حقن 3 جرعات تعطى مع المحافظة على الفاصل الزمني بينهم وبتكون مدته أسبوعين بين كل جرعة واللى بعدها.
وبعد كده بيبقي فى 3 حقنات مصل معزِّزة أو مُنَشِّطة إضافية, بفاصل زمني 6 شهور بين كل حقنة والتانيه. ويعتبر التطعيم ده آمن وملهوش اى آثار جانبية.ٍ