انواع الدواجن
شايفك سرحان كدة و بتفكر يا ترى هاكل ايه بكرة
و تلاقي اجابتك ان بكرة فيه فراخ يعني مضادات الاكتئاب
فالحقيقة فيه سؤال تطرق لذهني و انا بقولك فراخ و هو ايه اصل الفراخ ؟
و بعد بحث و تدقيق تبين ان فراخ التسمين اصلها سلالتين و هنا حبيت اشارك الإجابة معاك يا عزيزي
اولا: سلالة الكورنيش الابيض (white cornish)
تمثل خط الاباء وتتميز باتساع الصدر وقدرتها الفائقة علي انتاج اللحم وبيكون لون ريشها ابيض ورجليها طويلة وخالية من الريش ولون اللحم والجلد أصفر ولون البيض بني غامق ولون شحمة الاذن احمر والعرف في شكل حبة الفاصوليا وكانت بتستخدم في مصارعة الديوك في الهند فسميت بالمصارع الهندي وبيوصل وزن الديك 4.7 كجم والانثي 3.6 كجم.
ثانيا: سلالة البليموث روك الابيض (white plymouth rock chicke)
ودي بتمثل خط الامهات وهي سلالة امريكية تتميز بالانتاج العالي للبيض وفي منها اللون الابيض والاسود والمخطط والاشقر وبيكون لون البيض بني ولون اللحم والارجل والجلد اصفر والارجل غير مريشة وشحمة الاذن لونها احمر والعرف مفرد ووبيوصل وزن الديك منها 4.313 كجم والانثي 3.405 كجم.
وانتجت الشركات العالمية من تهجين السلالتين دول انواع كثيرة من كتاكيت اللحم منها الهبرد والاربو ايكرز والروص وبينقسم دجاج التسمين نوعين النوع الاول (سلالات التسمين البيضاء) يكون لون ريشه ابيض والمعروف بالفراخ البيضاء وبتتميز بسرعة معدلات النمو، والنوع الثاني هو سلالات التسمين الحمراء.