الاغنام
هنتكلم عن الأغنام من أول ما بتبدأ تنضج لحد م بيحصل تزاوج و تحمل وتولد
أول حاجة خالص امتي الذكر بيحصله نضج جنسي ؟
لما يوصل ل ٦٠٪ من الوزن النهائي بتاعه اللي هيوصله عند النضج ، اللي هو تقريبا من ٥ ل ٧ شهور .
يبدأ تكوين الحيوانات المنوية عند عمر 80-90يوم تقريبا بينما تظهر الحيوانات المنوية الحية في الدفقه عندما يصل عمره من ١٠٠ ل ١٥٠ يوم .
طب ده بيتوقف علي اية
تغذيته في الفترة الاولي و معدل التمثيل الغذائي اللي هيطور الغدة النخامية والغدد الجنسية عنده .
طب امتي الانثي بتنضج
لما توصل ل ٥٠٪ من وزنها النهائي ، وده من ٨ ل ١٠ شهور.
النضج الجنسي في الاتنين مبيعتمدش علي العمر قد ما بيعتمد علي مدي توافر الغذاء الاخضر اللي بيعتمد عليه الوزن ، وموسم الولادة .
طب نضجوا جنسيا خلاص ، هيحصل امتي وازاي التزاوج
أول حاجة ال estrous cycle بتحصل في الأغنام علي فترات تقريبا من ١٦- ١٧ يوم و ال estrous period حوالي ٢٤-٣٦ ساعة
وفي الماعز ال estrous cycle ١٨- ٢١ يوم و ال estrous period من ٣٦-٤٨ ساعة .
طيب امتي بيحصل التبويض في الفترة دي
من ٨ ل ١٠ ساعات بعد نهاية ال estrus
معدل التبويض بيبقي قد اية
من بويضة ل ٤ بويضات .
طيب موسم التزاوج بيختلف من سلالة لسلالة
أيوة ، لأن فيه سلالات لها موسم تناسلي قصير بيبدأ مع انخفاض عدد ساعات النهار و مبيعديش ٢-٣ estrous cycles و البعض متوسط من ٥-٦ شهور و بيديني من ٩-١٠ estrous cycles ، و اخر حاجة فيه موسم طويل بيمتد من ٨-١٠ شهور .
أغلب المربيين بيفضلوا شهر سبتمبر في التلقيح عشان بيديني أعلي انتاج وأعلي مستوي خصوبة
شوية تريكات كده في التلقيح :
١-زي إني أحاول علي قد م أقدر أتحكم في وقت الولادات عن طريق تحكمي في وقت التلقيح .. عشان ألائم الانتاجية المطلوبة من القطيع ، والظروف المناخية المناسبة لنمو النتاج و رعايته .
٢-ولو عندي أكتر من أنثي أحاول أخلي التلقيح في فترات متقاربة عشان الولادات تبقي متقاربة واوفر جهد و عمالة .
هنتكلم عن الغنم بداية من الحمل للولادة واي الاحتياطات اللي المفروض ناخدها في وقت ولادتها
اول حاجة أعرف منين إن الغنم أتلقح و ممكن يحصل حمل
-أول الحمل له علامات زي إنها بتبقي هادية بشكل ملحوظ عن العادي ، و شهيتها بتتفتح بتبدأ تاكل بشراهة ولو بترضع بيقل اللبن ده لحد م يجف تقريبا .
-وسط الحمل .. هتبدأ البطن تكبر وتستدير ، وفي الشهر التالت نقدر نجس بايدينا قدام الضرع مباشرة في اسفل البطن ونقدر نحس حركة الجنين .
-اخر اسبوع هنشوف الضرع منتفخ بقدر كبير و ديلها بيبقي نلزل ومبتقدرش تقوم اوي .
-قبل الولادة مباشرة : بتخبط في الارض بحوافرها ، والضرع مملوء بأكبر قدر ممكن باللبن .
فترة حملها قد ايه
٥ شهور .
أول م ابدأ اشوف العلامات بتاعت قرب الولادة وجب عزل النعاج دي في الحظيرة اخراجها لتسهيل عملية المراقبة .
لو ولدت خلاص :
المفروض -ازالة بقايا المشيمة من على أنف وفم الرضيع بعد الولادة مباشرة
– تعقيم الحبل السري بواسطة معقم زي البيتادين مثلا
– الحرص على ارضاع الوليد مباشرة بعد الولادة حيث أن اللبن أو الحليب الاول يلعب دورا هاما في وقاية الخراف والجديان كما انه مصدر هام للمناعة
– ابقاء الأم مع الخرفان لمدة أسبوع ثم بعد ذلك يمكن اطلاقها مع النعاج السارحة .
طب ممكن يحصل تعثر في الولادة؟
بيحصل وده بسبب اضطراب في نمو الجنين ، او وضعيته غير الطبيعية .
ولازم في الوقت ده يتدخل طبيب بيطري
أخر حاجة معانا ، ليه ممكن يحصل إجهاض ؟
١-عدم كفايه كمية الاعلاف أو عدم توازنها خلال فترة الحمل خصوصا ان التلت الاخير في الحمل مسؤول تقريبا عن ٧٠٪ من وزن الجنين .
٢- الضرب الذي تتعرض له النعاج من طرف بعض الفحول الشرسة في القطيع أو حتى عن طريق العامل.
٣- استخدام بعض الأدوية البيطرية قد تتسبب في الاجهاض فعشان كده أي دوا لازم نستشير قيه الطبيب البيطري.
٤- فيه أمراض بتسبب الاجهاض بشكل مباشر زي : مرض التكسوبلازما (Toxoplasmosis)، مرض الحمى ((Q fever ، ميكروب الليبتوسبيرا ، ميكروب الليستيريا ، البروسيلا.
٥-ممكن يحصل اجهاض عشان اتصابت باحد الامراض المعدية (بشكل ثانوي) مثل (Anthrax) الجمرة الخبيثة ، (CCPP) الالتهاب الرئوى البلوري المعدي ، ( Listeriosis) داء اللستريا ، IBR/IBV /BVD ، Mucormycosis.
أو امراض النقص الغذائي و نقص اليود و نقص المنجنيز و نقص البروتين و نقص فيتامين(أ) و مرض العضلات البيضاء white muscle disease .
أو التسمم كالتسمم بالنترات او النيتريت او السلينيوم او البرسيم الحلو sweet clover .