الهيربس لبسيط 

   مرض  Herpes virus infectionواللي معروف كمان ب Feline viral rhinotracheities (FVR) وهو بيصيب القطط وكمان في جميع اعمارها. 

هنتكلم اول حاجه عن أيه عن بقي 

1- تعريف المرض وايه هو الفيروس

2- ايه اثاره

3- أسباب المرض ده وبينتشر ازاي 

4- اعراض المرض ده ايه 

5- البيئه الابيعيش فيها الفيروس ده 

6- ازاي تحمي القط بتاعك من الفيروس ده وهو منتشر في الجو 

7- علاج الفيروس ده

تعريف المرض

1- هو ڤيروس معديFeline herpes virus type  

2- ڤيروس الهربس متخصص في اصابته في القطط المنزليه او البريه وزي ما قولنا مبيفرقش بين كبير او صغير فهو بيصيب القطط ف جميع اعمارها 

لكن بيكون اكثر خطوره في القطط الصغيره (kitten) وخصوصا اللي عندها اي امراض مزمنه ويمكن انتقاله من الام ف فترة الحمل لابنائها.⁦

آثار المرض

FVR مسبب رئيسي للاصابه بالامراض التنفسيه عند القط وكمان التهاب الملتحمه 

أسباب المرض

السبب الرئيسي هو الاحتكاك بالقطط المصابه لاننا قولنا انه مٌعدي وده عن طريق الاحتكاك بجزيئات الڤيروس في اللعاب او مخرجات العين او الانف للقط المصاب 

الاحتكاك بالطعام, اوعية الطعام,  الملابس اللي احتك بيها الحيوان المصاب.

️تبدأ أعراض المرض في الظهور في خلاص 5:2 أيام (فترة الحضانه) وفي الفتره دي القطط تقدر تنقل العدوى لغيرها.

عند ظهور الاعراض تستمر العدوى من 20:10 أيام. 

طب ايه هي الاعراض

الاعراض بنلاحظها في العين او الانف والصدر زي : 

⁦ العطس Sneezing  ⁦

⁦ احتقان الانفnasal congestion 

رمش مفرط excessive blinking 

وconjunctivitis وهو التهاب الملتحمه واللي بنلاحط وجود التهاب ف الانسجه المحيطه بالعين.

إفرازات العين والانف بتتحول من اللون الشفاف الفاتح للون الاصفر او الاخضر.⁦

هل الڤيروس بيعيش في البيئة المحيطه بالقطه المصابه ؟

الڤيروس يقدر يعيش في حاله واحده وهي الحاله الرطبه ولحسن الحظ الافرازات تجف ف مده صغيره ويصبح الڤيروس ميت.

عادة ما تظل جزيئات الڤيروس اللي بتوصل للايد او الجلد معديه لحوالي نصف ساعه.

لو جزيئات الڤيروس كانت ف الملابس او أوعية الطعام او صناديق القمامه او ادوات لعب القطه بتفضل معديه طالما هي رطبه.

طب ازاي اقدر احمي قطتي من جزيئات الڤيروس اللي بتتطاير دي ؟

عن طريق حاجه سهله جدا وهي المنظفات وهي انك تطهر الاسطح والاشياء المحيطه بالقط وتغسل الملابس والبطانيات بالماء الساخن ف الغساله 

وتغسل ايدك بالماء والصابون والتأكيد ع نظافة اظافرك بعد الاحتكاك بقطتك.

هتقولي طب وانا اغسل ايدي ليه مش هو بيصيب القطط بس!!!

هقولك فعلا هو بيصيب القطط بس لكن الامراض التنفسيه الناتجه عن اي عدوى بكتيريه ف القطط ممكن تعديك انت شخصيا لكن زي ما قولنا بالنظافه الشخصيه وغسل الايدين بعد التعامل مع قطتك هتقدر تقلل من فرصه الاصابه بأي مرض.

هل فيه علاج ولا مفيش ؟

للاسف الڤيروس ملوش علاج وبالتالي هنعالج العرض وليس المرض.⁦

يجب معالجة التهاب العين بالادويه المعروفه وده للحفاظ عليها لان العدوى ممكن توصلها للتلف وعن طريق استخدام قطرات العيون المضاده للڤيروسات ( antiviral ophthalmic drops ).

او ادويه مضاده للڤيروسات عن طريق الفم ( oral antiviral medication ). زي Famvir  

بعض القطط تستجيب للعلاج عن طريق المكملات مثل L-lysin وهو عباره عن حمض اميني بيقلل خطورة الڤيروس.

يمكن استخدام بعض المضادات الحيويه لتقليل العدوى البكتيريه خصوصا في القطط الصغيره زي doxycycline , azithromycin,  clavamox. 

دواء polyprenly immunostimulant (PI)  وهو دواء جديد اثبت فعاليته في تحفيز مناعة القطه ضد الفيروس ونتائجه كانت مبهره.

معلومات اخيره وهي ان القطه تحمل المرض في جسمها ف صوره ميته (غير معديه) بعد اصابتها بيه ولكن ممكن ينشط مره تانيه لو تعرضت القطه لاي مرض تاني او لاي ضغط وهتبدأ الاعراض تظهر تاني

‏

‏ ولكن ف بعض الاحيان ممكن الاعراض متظهرش وكده هيكون اخطر لان القطه ممكن تعدي غيرها لو مربي اكتر من قطه وانت مش عارف.

.