نقول بسم الله ونبدأ

كلنا اكيد فاكرين الكارثة اللى حصلت ف 19 مارس 2018 و هى موت (سودان) و اللى كان اخر ذكر وحيد قرن ابيض ف العالم و بكده هتكون انتهت سلالة وحيد القرن الابيض الشمالى نهائياً بموت الإناث اللى موجودة و هنعرف اسباب الانقراض بعدين بس خلينا نعرف الاول ايه حيوان وحيد القرن ده !

   هو حيوان من الثدييات بيتميز بوجود قرن فوق انفه و جسم ضخم وقدرة فتاكة على هجوم اي حد بيهدد سلامه وده طبعا بقرنه ال قادر يقتل بيه اي كائن وطبعا عنده جلد سميك و رجلين قصيرة و اقدام واسعة علشان تتحمل الوزن الكبير اللى ممكن يوصل ل 2300 كيلو ايوة زى م شفت كده اكتر من اتنين طن و ربع و بتنتهى بتلات اصابع، فيه منه اسود وابيض بس انهاردة هنتكلم اكتر عن الابيض ،معظم نشاطه بيكون بالليل و اول النهار و بيتميز بحاسة شم و سمع قويتين ف حين ان حاسة الابصار ضعيفة عندهم "قصر نظر "علشان كده مابيقدرش يلاحظ الحيوانات المفترسة و ده من اسباب انقراضه.

   موطنه الاصلى هو جنوب افريقيا و الجنوب السودانى و ده لانه حيوان عشبى بيتغذى على الاعشاب القريبة من الانهار و برك الماء.

   فترة الحمل بتوصل ل 18 شهر بتضع الانثى ف نهايتها حيوان واحد فقط و الحمل مش بيتكرر غير كل اربع سنين تقريبا و ده كان سبب ف قلة اعدادهم و تعرضه لخطر الانقراض مع الصيد الجائر.

   اهم اسباب تعرضه لخطر الانقراض و هو الصيد الجائر و الغير شرعى لوحيد القرن باعداد هائلة جدا و ده للاستفادة من قرنه اللى الصيادين بيبيعوه باسعار كبيرة جدا ممكن توصل ل 300 الف دولار مقابل القرن الواحد يعنى سعره اعلى من الدهب و ده لان فى ناس بتستخدمهه ف وصفات الطب الشعبى لانهم بيعتقدوا انه مفيد فى تخفيف الحرارة و فى حالات التشنج و التسمم و السرطان كمان الى جانب حاجات تانية ليها علاقة بالسحر.

   

   بعد موت الذكر سودان سنة 2018 بكدة يبقى مش فاضل غير اتنين اناث هما فاتو و نجين اللى موجودين فى محمية ( اول بيجيتا ) فى كينيا طبعا ده غير اعداد الاسود 

اولا ده اكبر تاجر مخدرات اتعرف في التاريخ .. بنته طلبت منه وحيد قرن خيالي او unicorn 

قام اسكوبار جاب حصان وركب له قرن.. دماغ محششين 

بصحيح 

حارس وحيد القرن !!!

اه زي ماسمعت بس الحارس المرة دي طائر ال اوكسيبكر وده دايما بيرافقه وبيشيل الحشرات والكائنات الضارة من على ضهر وحيد القرن وبردو للاسف بيتعرض للصيد الجائر.

 دى كانت واحدة من اكبر جرايم البشرية ف حق الحياة البرية بصورة بشعة جدا رغم جهود العلماء انهم يعيدوا السلالة تانى بتلقيح الاناث الموجودة بحيوانات منوية مجمدة من ذكور ميتة نتمنى انها تنجح و ترجع السلالة من تانى ⁦

بس يا سيدي كدة خلصنا بوست النهاردة مستنيينك الاسبوع الجاي ف بوست جديد من بوستات البرية