شعر الحيوانات الاليفه 

من اهم الحجات الا انت بتبصلها في الحيوان بتاعك الشكل من بره والابيدي ده الشعر  قبل منتكلم عن فحص ال coat  الاهو الغطاء بتاع الحيوان الشعر 

‏يلا في البدايه نتفق علي حبة حاجات كدا : 

ضوء الشمس و تعرض الحيوان ليه بيأثر تأثير جزري علي صحة و نمو الشعر بمعني : أن القطط و الكلاب المنزلية اللي مبيتعرضوش خالص أو كتير لضوء الشمس و بتقضي معظم وقتها تحت تأثير ال artificial light  شعرهم بيتساقط علي مدار السنه و هنا لازم نهتم و نخصص علي الاقل وقت من يوم القطه أننا نحط بيتها في مكان فيه نور طبيعي 

التغيرات الهرمونية اللي بتحصل اثناء الولاده بتأثر جدا علي الشعر و نموه و بتسبب في تساقط كمية كبيرة من الشعر في وقت واحد و هنا نستافد لما قطتنا مثلا تكون بتولد و يتساقط شعرها نعرف أن دا أمر عادي جدا و الأمور هتتظبط بمجرد مترجع الهرمونات لوحدها تظبط تاني .

لازم نعرف أن شعر اي حيوان ما هو إلا بروتين كيراتين . يعني بروتين بس اه ، تركيبه بالكامل بروتين بس و هنا نفهم لما يحصل نقص للبروتين أو الفيتامينات في الاكل بيحصل مشاكل في الشعر .

بعد كدا نتكلم أنه ازاي تفحص الشعر بتاع حيوانك .

بسيطه علي مرحلتين 

1-اول حاجه انك تلقي نظرة كدا عامه علي شعر الحيوان في جسمه كله و تلاحظ لونه و لمعانه و إن كان في مناطق من الطبيعي أن الجلد يكون متغكي بشعر و هي مش متغطيه و لا لا . 

2-تجيب فورسبس تقلب  و ترفع بيه شعر القطه عشان لو فيه اي parasite(فطريات أو طفيليات)تقدر نلاحظه .

  دلوقت هنتكلم عن فحص جلد الحيوان و حقيقي فحص الجلد من الحاجات المهمه جدا جدا لان اي خلل في الجلد أو ورم مش بس بيدينا indication (إشارة) أن في مرض في الجلد لا  دا كمان بيعرفنا general health  للحيوان .

‏

و عشان تفحص جلد حيوانك هتمشي في صورة sequence (تسلسل)كدا : 

لون الجلد و هنا عندك كذا احتمال: 

1-اللون الوردي الفاتح light pink ودا لون الجلد الصحي. 

2-ممكن يكون لونه ابيض مايل للرمادي.

3- لون الجلد شاحب و دا في حاله الانيميا.

4-ممكن يكون في مناطق معينه من الجلد زايد فيها الدم فبيكون الجلد محمر جدا في الحته دي التهاب يعني .

5-ممكن يكون الجلد لونه اصفر و دا في حاله الصفرا.

وجود أي نزيف في الجلد و النزيف بيكون ليه كذا شكل: 

1- ممكن يكون في صورة نمش كدا يعني علي الجلد مش منطقه نزيف واحده لا دا كذا واحده جنب بعض  ( نزيف خارجي )

2- ممكن يكون منطقة نزيف كبيرة  ( نزيف خارجي )

و النزيف الخارجي دا يختلف لونه حسب الوقت يعني لو لسه فرش هيكون لونه احمر لو بقاله وقت كبير هيبقي احمر غامق مايل للازرق 

3- النزيف الداخلي و دا بيكون عبارة عن تجمع من الدم تحت الجلد .

وجود أورام و عشان تعرف هل فيه أورام ولا مش موجوده لازم تفحص الجلد بعنايه لانه ممكن ميكنش كبير اوي و مستخبي تحت الشعر .

درجه الحرارة الجلد و دي بتحددها من شفايفه أو رجله أطرافه يعني بتلمسها و تحدد .

1-لو الحيوان ساكن في منطقه باردة هتلاقي أطرافه دافيه و دي الحاله الصحيه .

2- لو في اي التهاب هتلاقي أطرافه سخنه حبه.

وجود edema يعني تجمع زي كيس مايه كدا تحت الجلد و ال edema دي اماكن وجودها علي طول الجسم كله بس اكتر اماكن بتكون موجوده في : 

1-فوق كيس الصفن للكلب .

2-في أطراف الحيوان فوق ال tarsal و ال carpal (الركبه ومفصل القدم) .