تحليل مزرعة البيكتيريا
تحليل مزعة ايه ده انت لا مش مزرعة طيور لا مزرعة بكتيريا
وتعالي بقي هقولك هنتكلم علي ايه بس هنمشي في شكل سؤال و جواب ركز كده معايا
هنتكلم عن ايه بقي
1- ايه هو تحليل مزرعة البكتريا
2- امتي بنحتاج لتحليل مزرعة البكتيريا
3- ايه هي خطوات تحليل مزرعة البكتيريا
4- وايه هي نتيجة تحليل مزرعة البكتيريا
يلا بينا نبدأ أسأل وانا هجاوبك يا باشا
1- ايه هو تحليل مزرعة البكتريا
تحليل مزرعة البكتيريا bacteria هو تحليل بنستخدمه علشان نكشف هل في بكتيريا ضارّة في العينة ولا لا
وبنعمل تحليل مزرعة البكتيريا عن أننا بناخد عينه من مكان العدوي ونحطها في ظروف خاصة في المختبر علشان العدد ينموا ويزيد بسرعه في العينه في وقت قصير ايام أو أسابيع ونشخصها قبل ما تنتشر وتتمكن منك .
2- امتي بنحتاج لتحليل مزرعة البكتيريا
لما الدكتور يطلب منك بسيطه بس مش بيطلب كده غير لما يكون شايف اعراض عدوي بكتيري أو في اللتهاب وبتكون المزرعه دي لسوائل الجسم زي البلغم و البول و الدم وحجات تانيه
ياتري ايه الأعراض الا بتشكك الدكتور
هقولك يا سيدي
ارتفاع درجة حرارة الجسم
ألم وتورم واحمرار في مكان العدوى
ويستخدم تحليل مزرعة البكتيريا علشان نحدد أفضل طريقة نعالج بيها البكتيريا.
طيب ايه هي خطوات تحليل مزرعة البكتيريا
في انواع كتيره من مزارع البكتيريا انا هكلمك عن 6 منهم بس ركز علشان هقولك طريقة عملها كمان في كل واحده وشوية اعراض
مزرعة الحلق : ودي الدكتور بيشخص وجود عدوي بكتريه في الحلق وأشهر أسبابها البكتيريا العقدية
لان البكتيريا دي بسبب اللتهاب وصديد وألم في الحلق ولازم قبل متخدش اي مضادات حيوية أو تاخد غسول للفم ما تعمل مزرعة بكتيريا الحلق علشان بتأثر على نتائج التحليل
الدكتور بيجيب عود قطن معقم وياخد مسحه من الحلق في ثواني وبيجمع العينه ويحطها في أنبوبة اختبار ويبعتها للمعمل تتحلل.
تمام ايه النوع التاني قولي
مزرعة البلغم: دي بقي منعرف منها أن في عدوي بكتيري في الجهاز التنفسي وهنلاقي اعراض اللتهاب رئوي أو اللتهاب الشعب الهوائية وغيرها وكمان هنلاقي صعوبة تنفس وضيق نفس وكحه وارتفاع الحرارةكمان ألم في الصدر و وجع في العضلات
وبنجمع العينه أن الشخص بيقوم بالسعال جامد ونجمع عينات من البلغم في كوب بيكون مخصص لكده وعلشان نسهل أننا نطلع العينه ممكن نشرب المريض سوائل كتير او يستنشق بخار
طيب تمام ايه تالت حاجه
مزرعة البول دي بنعرف عن وجود العدوي في الجهاز البولي من اسمها يعني و بنلاحظ الم أثناء التبول مع صعوبة نزول البول و هتلاقي عدد مرات التبول زاد لدرجة ممكن تشك أن عندك السكر و كمان ارتفاع درجة الحرارة
ورعشه بس مش دايما بتحصل
وقبل ما تعمل التحليل لازم متخدش اي مضادات حيوية تاني حاجه اغسل المنطقة التناسلية بالماء و الصابون وبعدين ابدأ في تجميع العينه في الكوب المخصص لكده
طيب تمام ايه الرابعه
مزرعة البراز: مزرعة البراز دي الدكتور بيطلبها علشان يعرف هل في بكتيريا ضارة أو طفيليات في الجهاز الهضمي وهنلاحظ ارتفاع درجة الحرارة وتحس بالغثيان وعاوز تتقيئ وكمان هتحس ب اسهال وممكن تلاحظ دم مع البراز
وبنجمع عينه من البراز في الكوب المخصص لكده وبنبعتها للمعمل ب اسرع وقت علشان العينه متبوظش متستغربش كده اه هتبوظ
طايب يا دكتور دلوقتي انت لسه مقولتش علي الدم دي الا انا اعرفها
اصبر متستعجلش تعالي اكلمك عن مزرعة الدم
مزرعة الدم: الدكتور بيعرف منها وجود البكتيريا في الدم وقبل التحليل اكيد هطلب منك انك متخدش اي مضادات حيوية او بعض الادويه
3- تعالي اشرحلك بنعمل سحب للعينه ازاى
أول حاجه بنقوم بسحب العينه علي كذا مره يعني كل شويه ناخد عينه من الوريد الا في منطقة الكوع أو ضهر ايدك ازي بنربط ايدك ب حزام مطاطي حولين دراعك و بعدين هطلب منك تقبض ايدك كذا مره علشان نجمع دم ونسحب العينه بسهولة
بعدين نشيل الابره ونضغط ب قطنه مطهره مكان الحقنه لمده علشان نمنع تجمع الدم تحت الجلد ولو حصل هيبقي علي شكل كدمه هتروح مع الوقت متخفش أما كده
خلاص يعني اطمن يا دكتور .. كده انت خلصت
لالا لسه اخر حاجه معايا هقولك عليها وهي
مزرعة الجروح: هنا بقي الدكتور بيشخص بيها حدوث عدوه في منطقه مجروحه أو فيها حروق وهتلاحظ وجود صديد و التهاب في المنطقة دي
ودي بتتعمل ببساطه اني بجيب عود قطن وااخد مسحه من الجرح وبالذات من الصديد واجمع العينات في أنبوبة اختبار واابعتها للمعمل علشان تتحلل
طيب تمام كده لسالي سؤال واحد
4- ايه هي نتيجة تحليل مزرعة البكتيريا
في نتيجتين يا اجابي يا سلبي
النتيجة الإيجابية لتحليل مزرعة البكتيريا بتدلّ على إصابتك بعدوى بكتيريّة في منطقه من الجسم، والدكتور هيطلب منك كمان تحليل مقاومة بكتيريا علشان يحدد نوع العلاج المناسب للعدوى والمضاد الحيوي المناسب
حيث إنّ اختيار النوع الخاطئ من العلاج ممكن يؤدي إلى نمو بكتيريا مقاومة لأنواع المضادات الحيوية وبيصعب علاجها بعد كده .
النتيجة السلبية من اسمها انت زي الفل ومتخدش مضادات حيوية بدون سبب علشان متعملش بكتيريا عندها مناعه ضد المضادات الحيوية و سعات بيحصل خطأ في التحليل لو العينه اتجمعت بشكل خطأ .