الغراب
هنتكلم عن الغراب The crow غالبا بنسمع صوته قبل مابننطق بأسمه وناس كتير بتعتبره مصدر للتشاؤم والموت .
في البداية نتعرف بيه
الغراب عبارة عن عصفور كبير شويتين تلاتة ولونه بيختلف أنواع لونها أسود وأنواع رمادي وهكذا معروف بصوته ال بنسميه نعيق
طائر ذكي جدا قادر يتعرف على ملامح الوجه كويس خصوصا لو أذيته أو أذيت حد من قطيعه مش هيسيبك في حالك و زي ما قولنا أن ناس كتير معتبرينه رمز للتشاؤم على الرغم من أن الاسلام جه ونفى ده وكسر المعتقدات المنتشرة بين العوام ، ودلَّل على أن ده ضد مفهوم القَدَر والإيمان به، وأنه من علاماتِ ضعف الإيمان بالله؛ حيث ثبت عن النبي ﷺ أنه قال: {لا عدوى ولا طيرة ولا هامة ولا صفر، ولا نوء ولا غول، ويعجبني الفأل} و هسيبلك تفسير الحديث ف الكومنتات
بيأكل ايه؟
لحوم وده غذاءه الرئيسي بس فاكهة مايضرش ورق اخضر فتافيت عيش ديدان وحشرات وممكن حيوانات صغير م الأخر كدا Scavenger كناس بيمسح اي حاجة في وشه
دورة حياته ؟
ف العادى الغراب الذكر بيوصل لسن البلوغ عند عمر 4 سنين تقريبا و عندها بتبدأ رحلة البحث عن شريكة حياته و ام ولاده المستقبلية بيبدأ الرحلة دى بإصدار صوت عالى بينادى بيه على الأناث البالغة اللى بيكون عمرها من 3 سنين فما فوق و لو حصل و قربت منه انثى بينفش ريش جسمه و ديله و جناحاته كعلامة على قبولها و بيغنيلها اغنية قصيرة قد ايه رومانسي و احنا اللى بنتشائم منه و الله عيب علينا و بعدها بيحصل التزاوج و بيبدأو يبنو العش سوا اللى بيستغرق حوالى اسبوعين و بعدين الانثى بتضع البيض و اللى بيكون من 6:2 بيضات و بيراعوه لحد م يفقس بعد 19 يوم و بعدين بيراعوهم ف العش لمدة 45:30 ايام لحد م يبدأ يطلعلهم ريش و يتعلمو الطيران
الغراب والتزاوج؟
الغراب ده كائن غريب جدا قلبه قلب مشمشية بيشيل بذرة واحدة *الغرابة * وبيفضل مخلص ليها طول عمره حتى بعد مابتموت وبيراعي الغربان الصغيرين زي ماقولنا وبيهتم بشئونهم بردو وخلال تحضين البيض هو بيهتم بالانثى وبيجيبلها الاكل ومش بس كدا وبيأكلها كمان في بوقها
الغراب والدفن؟
الغراب الكائن الوحيد ال بيدفن أي فرد بيموت من القطيع ومش بس كدا ده هو ال علم الانسان بردو ازاي يدفن زي ما أحنا عارفين في قصة قابيل وهابيل.
ياما جاب الغراب لأمه؟!
مثل مصري مشهور جدا بتعبر ع خيبة الشخص ده.. العلماء لحظوا حاجة مميزة في الغربان أنهم بيحبوا يجمعوا أي حاجة بتلمع او بتبرق وبيوديها العش بتاعه ومن هنا طلع المثل ده لأن الحاجات ال هو جايبها مش هيستفاد منها بحاجة.
محاكم الغراب
مجتمع الغربان بيسود فيه العدالة وأي حد بيتعدى النظام بيتحاكم زي
1- التعدي ع طعام الصغيرين __ مجموعة من الغربان بتنتف ريش الغراب المعتدي
2-اغتصاب العش او هدمه __ ملزم أنه يعيد بناءه من جديد
3-اغتصاب انثى غراب__ قتل المعتدي ضربا بمناقير الغربان
وبكدا الغراب بيعلمنا أننا مانحكمش ع حد من مظهره الخارجي بس وعلمنا الاخلاص والوفاء للانثى والعدل السائد خلال حياته.