فيروس هانتا
كل اسألتك عزيزي القارئ هجاوبك عليها دلوقتي في مغامره جديده في كيف تصبح عالما في المشتركه هنتكلم عن الفيروس بشكل عام وبينتقل ازاي وهل بينتقل للإنسان ولا لا واي سؤال ممكن يكون في بالك يلي بينا عزيزي القاريء نبدأ
احب اطمنك في البداية الفيروس كان من موجود من فترة كبيرة جداااا وفيه منه سلالات كتير بس اول مرة ظهر في خمسينيات القرن الماضي بعد الحرب الكورية على طول
كان منتشر في حقل قريب من بحيرة هانتان فعشان كده بقى اتسمى بال هانتا فيروس الحالات المصابة كانت اكتر من ٣ الالاف حالة من قوات الامم المتحدة
وفي عام ١٩٨١ اتطور الفيروس ده وظهر في الصين مرة تانية واتصاب بيه ١٠٠ الف واحد بس في النهاية الصين قدرت تسيطر عليه و في علاج ليه حاليا موجود
و بعدين اتطور تاني في امريكا سنة ١٩٩٣ وسجل ٧٢٨ حالة لحد. سنة ٢٠١٧ و فيه حالات وفيات بتحصل بسببه كل سنة
نستنتج من كل اللي فات ده ان الفيروس موجود من بدري بس بيحصله كل فترة كده تطور
طب ليه بيحصل كده وهو مصدره ايه !؟
بص يا سيدي الفيروس دا اصلا سببه القوارض و بيتنقل بينهم بسهوله جدا فمع اختلاف انواع القوارض اللي هي كتير بقىاللي بيتنقل ليها و كده بيحصله تطورات
طب هو ممكن يتنقل للانسان ويصيبه !؟
مبيتنقلش للانسان غير بالتعامل المباشر مع الفار مثلا زي الصينين عشان بياكلوه ويعملوه شوربة او بياكلوه حي كمان
يا عم انا مباكلش فيران فمش هيصيبني بقى كده
لا هو بيتنقل من براز او بول او لعاب الفئران او الفئران عموما حتى لو عضك فخلى بالك عشان تقى نفسك
تحافظ على بيتك و مكانك انه يكون خالى دايما من القوارض تخلى بالك من الاكل بتاعك و ادوات الطهى والاطباق والاكواب يكون في مكان امن بعيد عنهم
و لازم تروح تكشف عند الدكتور ع طول لو ظهر عندك فئران و حسيت بألآم عضليه وضيق تنفس وحمى شديدة
طب انا لو اتصابت في خطر انى ممكن اصيب حد!؟
لا اطمن الحمدلله الفيروس دا مبيتنقلش من انسان للتاني
و اكبر دليل ع كده الراجل الصينى اللي مات في الصين من قيمة فترة كده بالفيروس ده كان راجع من الشغل و في الاتوبيس مات ولما اتعمل كشف ليه اكتشفو انه كان مصاب بالهانتا فيروس
وعملو حجر صحي ل ٣٢ واحد اللي كانو معاه فى الاتوبيس و تم الكشف عنهم وملقوش عندهم اي اصابة بالهانتا فيروس
طب ايه اشهر الاعراض اللي بتظهر لو اتصبت !؟
سخونة و الم شديد في العضلات وشعور بإعياء شديد( صداع ودوخة واسهال و قىء وآلام فى المعدة ) و بعد ايام بيكون في ضيق تنفس
طب هو الفيروس ده ممكن يبقى وباء عالمى !؟
من الصعب جدا انه يبقى وباء عالمى ليه بقى !؟
لانه بيظهر على فترات متباعدة جداا وفي اغلب المرات اللي ظهر فيها كان بيتم السيطرة عليه وكمان هو ليه لقاح وعلاج في حالة بعد الاصابة
و على سبيل المثال ribavirin بيستعملوه احيانا في بروتوكولات العلاج وبيعطوه فالوريد وبيتاكدوا ان الشخص اتعافى عن طريق الserological examinations
فالحمدلله من كل اللي فات ده تستنج انه من السهل السيطرة عليه ومتنساش كمان انه مبيتنقلش من انسان للتاني ودا احد الاسباب اللي خلته من الفيروسات الضعيفة فالانتشار