السعار

 رجعنالكم من جديد وان شاء الله هنتكلم عن مرض فيروسي خطير جدا ممكن يسبب الموت لاي حد يتعرض له و هو مرض السعار ال rabies و هنتكلم فيه في كذا حاجه تعالوا نعرفهم 

1- السعار بيصيب مين 

2- سبب المرض ايه 

3- طريقة انتقاله ازاي 

4- اعراض السعار 

5-اعراضه علي الإنسان 

6- علاج السعار 

7- الوقايه منه 

استجابة العالم ليه كانت ايه  

تعالوا نتكلم عنهم واحده واحده كده وبراحه وركز معايا 

1-⁦ السعار بيصيب مين 

الاكثر شيوعا : الكلاب و القطط و الثعالب و الخفافيش و منها بتتنقل للإنسان . 

الاقل شيوعا : الحصان ، الجمل ، المغترات .

2- سبب المرض ايه 

السعار مرض فيروسي  , الفيروس هو ال rabies من عيلة آل lyssavirus . 

3- طريقة انتقاله ازاي 

عن طريق لعاب الحيوان المصاب بالفيروس عن طريق العض سواء الكلب أو القط عيعض حيوان من فصيلته أو انسان.

4- اعراض السعار 

هنقسم الأعراض علي مرحلتين : 

المرحله الاولي بيكون فيها الحيوان كالتالي و المرحله دي بتقعد من يوم ل ٣ ايام 

1- تغير مخيف في سلوك الكلب .

2- واخد ركن لوحده بعيد عن اي حد .

3- بيحب القعده في الأماكن الضلمه .

4- بتزيد حساسيته الضوء و الصوت و الرياح و دا لأنه بيبقي مرعوب من اي حاجه .

5- بعد يوم او ٣ ايام من الاصابه بيبقي خطير اوي بيعض في أي حاجه ، اي حاجه انسان قدامه كلب قدامه حديد حيط اي حاجه و بيكون ضعيف جدا هزيل اللي هو بيعض و ينام . 

6- بيبقي لعابه زايد جدا و بيريل و دا لسبب مهم عشان الفيروس بيصيب الجهاز العصبي لعضلات البلع بتتشل . 

7- بيخاف اوي من المايه والأكل و بيمانعهم بشده و بيبقي عدواني مع المايه بالذات  مع مرور يوم ولا حاجه بيتشل الجزع و الأطراف .

المرحلة التانيه و دي بعد يومين او تلاته 

بيكون الكلب خلاص اتشل تماما مع هيجان هادي و بعد كدا يموت 

5-اعراضه علي الإنسان 

1- مش قادر يتنفس ولا يبلع و اللعاب كتير عشان عضلات بقه مشلوله .

2- بتزيد حساسيته للضوء و الصوت و خايف و قلقان .

3- يقعد لوحده مع رفض تام للمايه و الاكل . 

6- علاج السعار 

1- بالنسبه للحيوان لو عرفت تلحقه بعد ماتعض علي طول و تعزله و تعمل معاه اللازم من تحصين تاني و ادويه و تنضيف لو كان متحصن و هو صغير

  و بعد ١٠ ايام فاق يبقي تمام لو بعد ١٠ ايام مفاقش قتل رحيم علطول  و يستحسن نعزله و نسيبه يموت . 

2- بالنسبه للانسان بعد ميتعض علي طول نلحقه بحبه حاجات كدا:

 نغسل الجرح فورا بمائه و صابون كويس اوي اوي اوي. 

 بعد كدا نحط صبغه اليود 

الجرح ميتخيطش (suture ) و لو الجرح كبير اوي يدوب كدا نلمه كذا غرسه بس يبقي مفتوح برضه و نحط المصل المضاد للمكان اللي اتعضيت فيه .

 في نفس اليوم بتاخد حقنة تيتانوس و تحصين

 بعد كدا تلتزم تماما بالجرعات الكامله في ميعادها حسب الجدول المتبع وان شاء الله خير ⁦

7- الوقايه منه 

1- بالنسبة للحيوان نطعمه تطعيم اجباري ضد مرض السعار تطعيم اجباري سواء قطه أو كلب في سن ال ٢٤ اسبوع . 

2- بالنسبه للاونر فهو يأمن نفسه و ياخد ٣ حقن تحصين عشان يمنع ال يحصل . 

⁦هتسأل و تقو طالما خطير كدا العالم عمل ايه

هجاوبك يا سيدي

1-  في سنه ٢٠١٥ في منظمه عالميه اسمها global allowance for rabies control أنشأت في الدوردل الاوربيه طبعا للحد من انتشار المرض . 

2-  كندا عملت يوم ٢٥ من شهر سبتمبر كل سنه وخلته اليوم العالمي للاحتفال باي واحد أو حيوان كان مصاب بالسعار أعزكم الله .

3-  مصرنا الحبيبه جمعت وزارتها كدا و تكاتفوا مع بعض و فكرا أنهم يخصوا(castration) كل كلاب الشوارع عشان متخافش وكل الكلاب يبقوا ولاد ناس .