هنتكلم معاكم في  الدواجن النهارده عن مجموعة معلومات ونصائح عن تربية الدواجن في مزرعتنا السعيدة  يعني من الآخر هتعرف ايه شوف يا سيدي احنا هنعرض معلومات عن 3 نقاط وهتكون :
أهم سلالات الدواجن في إنتاج اللحم والبيض .
كيفية تطهير المزرعة .
اهم التحصينات للدواجن.
⁦تعالي نبدأ مع بعض بالنقطة الاولى

 

طب ايه اهم سلالات الدواجن شوف يا كبير اهم السلالات الحديثة لانتاج اللحم

الهابرد: و ده بيتميز  بسرعة النمو ، تحويل جيد للحم .
هايبرو  انتاج عال من البيض, نمو عال, تحويل ممتاز, لحم عال بالصدر
اربور :نمو سريع, تحويل ممتاز, لحم جيد, بيض عال.
ال اى ار  نمو سريع, تحويل ممتاز, لحم ممتاز, بيض عال.
روص: تكلفه اقل, بيض عال. تحويل ممتاز.
كوب: تحويل ممتاز, نمو سريع, لحم ممتاز, بيض عال
اما بقي سلالات انتاج البيض هيكون معانا نوعين :
لوهمان : اعاشة مرتفع, سهولة التكيف, عدد كبير بيض, تحويل جيد، نوع بيض ممتاز.
هاى لاين : هادئ الطبع، قشرة بيض قوية, اقل استهلاك علف. 
خد بقي المعلومة دي عند اختيار كتكوت اقلبه على يدك ل 3 ثوانى لو اتعدل على طول يبقى حلو .
لو اخد اكتر من 3 ثوانى يبقى حيويته مش قوى لكن لو متعدلش خالص فيبقى سئ جدا.
‏
كده يبقي خلص اول جزء تعالي اخدك لجزء تاني  دلوقتي انت هتكلمنا علي ايه 
سؤال غريب عشان انت مفروض تكون عارف أننا هندخل علي النقطة التانيه معانا انهارده
‏  

⁦تطهير المزرعه: شوف أنا هديك شويه خطوات تمشي عليها عشان تطهر المزرعة بتاعتك كويس .

1-بيع الطيور السليمة وازالة النافق 
2-رش مبيد حشرى ملاسيون 5سم لكل لتر على السبله ثم بيعها او التخلص منها.
3-كحت وكنس الارض عدة مرات.
4-غسيل العنبر بالماء والصابون وبقاء المياه ع الارضيه لمدة 24 ساعه.
5-يترك العنبر للتهويه.
6-رش ملاسيون ثم فنيك 10% بعد 24 ساعه.
7-اذابة 500كجم جير و 500 كجم سلفات نشادر فى 2000 لتر ماء ونشرها ف الارضيه وتركها 48 ساعه.
8-رش فورمالين 25% بالمكان كله ثم غلق العنبر 3 ايام.
9-رش النشاره سمك 10 الى 15 سم.
10-تطهير المعدات.

اولا : التحصين اللازم للدواجن التسمين :
من عمر 1:5ايام ⁦تحصين تايلوزين ونيومايسين 
من عمر 5:7⁦ ⁦⁦ بنحصن فيه ضد النيوكاسل 
عن عمر 13يوم⁦  بنحصن ضد الجمبورو بشكل متوسط 
عن عمر 15يوم ⁦بندي جرعه تحصين نيوكاسل تاني زي اللاسوتا 
عن عمر 18يوم ⁦جرعه تحصين جمبورو شديد 
عن عمر 28يوم⁦ جرعه لاسوتا في مياه الشرب 
وآخر تحصين ف اليوم 30⁦ بندي فيه جرعة لاسوتا ف مياه الشرب 
ثانيا : تحصين الدواجن البياض:
عند الفقس ⁦ تحصين ماريك 0.2cm تحت الجلد 
من عمر 5:10 ايام ⁦تحصين نيوكاسل زي الهتشنر 
عن عمر 14يوم ⁦ تحصين جمبورو
من عمر 17:18يوم ⁦تحصين نيوكاسل لاسوتا 
عن عمر 21 يوم ⁦تحصين نيوكاسل ميت 0.5cm 
عن عمر 24 يوم ⁦بنحصن ضد الجمبورو
عن عمر 30 يوم ⁦تحصين IB عترة H120
لسه شويه 
عن عمر 35 يوم ⁦تحصين ضد الجمبورو
ف اليوم 40 ⁦دتحصين التهاب الحنجره والقصبه الهوائيه بالتقطير 
ف اليوم 45⁦تحصين ضد الجمبورو 
اليوم 50⁦تحصين ضد الكوليرا 
اليوم 55⁦تحصين جمبورو 
عن عمر 65يوم ⁦تحصين جدري بالوخز تحت الجلد 
هانت 
اليوم 70 ⁦تحصين نيوكاسل لاسوتا 
عن عمر 80 يوم ⁦تحصين التهاب شعبي 
عمر 95 ⁦ التهاب الحنجره 
عن عمر 100يوم ⁦تحصين جمبورو ميت 
واخيرا عن عمر 120يوم ⁦تحصين نيوكاسل ميت .....زي مفيه تحصين ميت فيه تحصين حي حلو اوي طيب بنستخدمهم امتا 
سؤال جميل تعالي اجاوبك التحصين الميت بنستخدمه لو المنطقه موبوءه جامد بمرض وعايز تحص مزرعتك كويس أو لو مرض خطير انتا خايف منه زي الانفلونزا 
التحصين الحي لازم تديه الاول للقطيع قبل التحصين الميت عشان الميت يدي رد فعل احسن ودي ملاحظه مهمه جدا للمربي 
وبنبعد عن التحصين الحي لو ليه رد فعل عنيف زي اللاسوتا في وجود عدوي تنفسيه