هنتكلم عن German shepherd الكلب الجيرمان
هنتكلم عن ايه بقي :-
1-عن الكلاب الجيرمان بشكل عام
2- وصف الكلب
3- الامراض اللي بتواجه النوع د ه
1- كلب اصوله من المانيا وده سبب تسميته German ولكن اسمه Alsatian في بريطانيا العظمي وبعض انحاء اوروبا ومع ذلك اكثر مربينه في اميركا
هو من اشهر 10 كلاب يتم تربيتهم في اميركا وده طبعا لمميزاته الكتير ومنها ذكائه وشجاعته واخلاصه وعشان كده الكلب ده بيقوم بوظايف كتير منها
انه بيساعد علي ارشاد فاقدي البصر ومطارده المجرمين والكشف علي الالغام والمخدرات وده سبب استخدام الشرطه ليه ف عملها نظرا لقوة حاسة الشم عنده وسهولة تدريبه علي الطاعه مش بس كده ده بيزور المرضي عشان يونسهم وكمان بيستخدم للانقاذ ف الحوادث وطبعا في الحراسه
الكلب كان بمثابة بطل قومي خصوصا بعد الهجمات الارهابيه في 9/11 لانه كان بيساعد في الحصول علي اماكن الناجيين من الحوادث وكمان عمال الانقاذ
كلب الراعي الالماني تعتبر سلالته حديثه شويه برجع تاريخها لعام 1899 والفضل في نشأتها يرجع للكابتن ماكس فون واللي كان قائد في سلاح الفرسان الالماني
لكن قبل ماكس فون كان الالمان بيستخمو كلابهم في حماية القطيع فقط ولكن فكر الكابتن في تطوير السلاله لخدمة الشرطه والخدمه العسكريه مع تطور المانيا الصناعيه شويه وقدر يقنع السلطات العسكريه بإستخدام النوع ده من الكلاب خلال الحرب العالميه الاولي واصبح يعمل كرسول ومنقذ وحارس
وعلى الرغم من أن الgerman شقوا طريقهم إلى الولايات المتحدة قبل الحرب، إلا أنه حتى بعد الحرب أصبح السلالة شائعة في جنود الحلفاء الأمريكيين لاحظوا شجاعة الكلب واستخباراته، وعاد عدد من الكلاب إلى المنزل مع هؤلاء الجنود.
2- يختلف الgerman اللي تم تربيته في المانيا عن اللي تم تربيته في اوروبا اللي تم تربيته في المانيا بتمتلك شخصيه نشطه وأقوي عن نظائرها في اوروبا اللي فقدوا بعض وظائفهم في العمل وعندهم مشاكل في السلوك لانهم بيعانو من قلق الانفصال او انهم يبقوا لوحدهم
لونه يا اسود ممزوج بالبني او الاصفر و الابيض والاسود نادرين وغاليين شويه متوسط عمره من 9 ل13 سنه وزن الذكر من 40:30 كجم ووزن الانثي من 22:32 كجم وطوله يتراوح من 55:65 سم
ومعروف عن الكلاب German انها نشيطه جدا وبتحب تلعب بأستمرار وتتدرب كمان بإستمرار زي الركض مثلا عشان كده مش أي حد يربيه لانها عندها طاقه عاليه جدا ومحتاجه انها تتدرب وتلعب ع طول والا هيكون ليها رد فعل مش هيعجبك وهو يإما النباح او العض.
3- المشاكل صحيه اللي بتواجه النوع ده
تشوه ف نمو مفاصل الفخذ (Hip Dysplasia) او خلل التنسج الكوعي (Elbow Dysplasia) واللي بيسبب العرج للحيوان ويتم التدخل الجرحي لمعالجته
الحساسيه (Allergies) ومن اعراضها فرك الكلب لكفوفه او لوجهه او (Exocrine Pancreatic Insufficiency) وهو مرض نقص نقص افراز البنكرياس ومن اعراضه فقدان الشهيه وفقدان الوزن وتغيير البراز وده بيسبب الضعف الشديد للكلب ولكن علاجه بسيط وهو اضافة انزيمات البنكرياس للطعام.