تحليل هرمون الكورتيزول
هنتكلم عن تحليل هرمون الكورتيزول
ايه ده مالك في ايه شكل ضعيف كدة ووشك اسمر وباين عليك الضعف والتعب
ايه ده هو باين اوي كده
اه مالك في ايه اصل كنت عند الطبيب من كام يوم وقالي عندك مرض اديسون ايه ده بجد بقيت زي العالم اديسون هو اخترع المصباح الكهربائي انت بقي هتخترعلنا ايه بقولك مرض واصلاً هو مش اسمه اديسون علي اسم العالم ده اللي اكتشف المرض طبيب اسمه توماس اديسون بجد اه عايز تعرف اكتر تابع معايا البوست ده
هنعرف علي
1- ايه هو هرمون الكورتيزول
2- ايه اعراض وجود خلل في افراز الهرمون ده
3- اجراءات القيام بتحليل الكورتيزول
4- تحليل النتائج
1- ايه هو هرمون الكورتيزول
هرمون الكورتيزول ده بتفرزه الغده الكظرية بس مبتفرزهوش غير بأمر مايسترو الغدد طبعاً ودي مين بقي الغده النخامية طبعاً والغدة الكظرية بتفرز الكورتيزول كإستجابة لهرمون ACTH اللي جاي من الغدة النخامية تمام فهمت والكورتيزول ده بقي بيعمل ايه
والله هو بيعمل حاجات كتيرة أهمها انه مسؤل عن ايض الجسم ورد فعل في حالات الضغط
2- ايه اعراض وجود خلل في افراز الهرمون ده
ودي ليها حالتين
١-هتحس بضغط دم مرتفع
٢-سمنة مفرطة
٣-مستوي السكر مرتفع
٤-نمو الشعر بشكل متزايد
أو انك تحس ب
١-هبوط حاد في ضغط الدم
٢-هزال
٣-اسمرار في لون البشرة
٤-ضمور العظام والعضلات
3- اجراءات القيام بتحليل الكوتيزول
هرمون الكورتيزول من الهرمونات اللي نسبتها مش ثابتة في الجسم ازاي يعني يعني نسبته بتتغير في الجسم علي مدار اليوم وليه طريقتين في التحليل يا اما عن طريق البول او الدم بس لو حضرتك هتعمله عن طريق الدم فيفضل تحلل في بداية اليوم من 6:8 صباحاً لان نسبته بتبقي زايدة في الجسم ولو عن طريق البول ف فأي وقت في اليوم عادي طب وهو بيستلزم صيام اه في بعض الاطباء بتنصح بصيام او ايقاف بعض الادوية المعينة اللي ممكن تأثر علي نتيجة التحليل
تمام كده اما بالنسبة لنسبتهم الطبيعية
١-في الدم صباحاً(7:25Mg/dL )
٢-في البول (15:110 mg)
4- تحليل النتائج
ودي هنتقسم لقسمين
زيادة في افراز هرمون الكورتيزول في البول او الدم
وده هيكون نتيجة لورم في الغدة النخامية او متلازمة كوشينج
نقص في افراز هرمون الكورتيزول في البول او الدم
وده معناه وجود قصور في الغدة النخامية وتضخم في الغدة الكظرية وبيسبب مرض اديسون ايه ده يعني انت ايوة مرض اديسون اللي عندي نتيجة نقص هرمون الكورتيزول
بس وبكده نكون وصلنا للنهاية