نيجي بقا لشوية من صفات الجمال 

من صفات الجمل اللي فيها كتير ربنا ميزه بيها عن غيره من الحيوانات عشان كده في القرآن الكريم ربنا بيقولنا(أَفَلَا يَنظُرُونَ إِلَى الْإِبِلِ كَيْفَ خُلِقَتْ)  
- عينيه فيها ٣ جفون، علوي وسفلي وعليهم رموش طويلة، و الجفن التالت عبارة عن نسيج شفاف مغطي عينيه عشان يعرف يشوف لو فيه عواصف
- أنفه كبير وفتحتين الانف كبيرة و عنده القدرة علي انه يكثف بخار المية اللي طالع من النفس عند الحاجة.
- عنده القدرة ياكل اي حاجة بدون م يتأذي عشان جلد فمه سميك مش بيتأثر حتي لو كل شوك وكمان الشفة العليا بتكون مشقوقة عشان تسهل عليه انه يوصل للاوراق الخضراء اللي بتكون بين الشوك . 
- السنام طبعا عارفين انه عبارة عن دهون، بيلجألها كمصدر للطاقة اما يبقي مفيش مصدر خارجي. 
- بيحتفظ بالمية  بأكبر قدر ممكن عن طريق بعض الحاجات منهم
* قلة الغدد العرقية، واصلا مبيعرقش غير لما درجة الحرارة توصل 42c 
*مثانته بتحتفظ بالبول لو شعر بالعطش،غير كده قادرة علي تحويل البول عن طريق بكتيريا خاصة ل أحماض امينية من البروتين والمية 
- معندوش مرارة. 
-خلايا دمه الحمرا oval in shape عشان كده لما ميبقاش فيه مياة ممكن تتمد في الاوعية ل ٢٤٠% من حجمها الاصلي 
- ونهايةً من إحدى صفاته انه حيوان حساس جدا وبيبكي وهو بيتدبح او لو شاف جمل تاني بيتدبح 

طب ايه أهمية الجمل في الطب وفي علاج بعض الامراض وكمان في الغذاء

ول حاجة لحمته مفيدة جدا عن لحوم حيوانات تانية كتير عشان فيها نسبة كبيرة من الاحماض الدهنية غير المشبعة ومضادات الأكسدة اللي بتقلل الاصابة بالسرطان و امراض القلب

وكمان مفيدة لأي حد عنده أنيميا عشان بتتميز بأن فيها حديد بكمية كبيرة. 

لو اتكلمنا بقا عن شحم الجمل اللي ممكن كتير مننا مش عارف أهميته بس هو مهم جدا  وبيستخدم في علاج حاجات كتير زي الروماتيزم، آلام المفاصل، التهابات الجهاز التنفسي، مشاكل الامعاء و بيقضي علي الديدان ، وعلاج مشكلة الجفاف عشان عنده القدرة علي توفير الترطيب للجسم .

وتالت فايدة هنتكلم عنها حاجة غريبة شوية وهيا استخدامات ال urine (البول) في العلاج

كان فيه عليها خلاف من ناس بيعتقدوا ان استخدام بول الجمل ممكن يعمل ضرر علي صحة الانسان

ولكن في البداية كدة الاشخاص المؤيدين استندوا للحديث الشريف اللي روي عن الرسول صلى الله عليه وسلم : (قدِم رَهطٌ من عُكَلٍ على النبيِّ صلَّى اللهُ عليه وسلَّم، كانوا في الصُّفَّةِ، فاجتَوَوُا المدينةَ، فقالوا : يا رسولَ اللهِ، أَبغِنا رِسلًا، فقال : ما أجِدُ لكم إلا أن تَلحَقوا بإبلِ رسولِ اللهِ صلَّى اللهُ عليه وسلَّم ؟ . فأتَوها، فشَرِبوا من ألبانِها وأبوالِها، حتى صَحُّوا وسَمِنوا......)

طب ايه هيا بقا فوائد بول الابل

زاد مؤخراً الاهتمام بخصائص بول الجمل العلاجية عند العلماء المهتمين بالطب الشعبي ولكن فيه بعض العلماء درسوا الخصائص دي بطريقة علمية عشان يكشفوا عن العناصر المسؤولة عن علاج الامراض في بول الجمل. 

واللي هنقوله دلوقتي نتائج دراسية بتبين بعض فوائد ال  urine في العلاج 

1-التأثير في علاج القرحة المعدية 

استخدموا فئران تجارب عندها قرحة معدية 

والنتائج بينت شفاء القرحة بنسبة 83.7% في الفئران اللي اتعالجت ببول الابل 

و 60.5% عند استخدام حليب الجمل 

و 100% عند استخدام دواء السيميتيدين  ودا من الادوية اللي بتستخدم في علاج القرحة

2-التاثير في البكتريا النافعة في الأمعاء 

برضو استخدوا فئران تجارب واعطوها بول وكمان حليب الجمل ودا زود البكتيريا النافعة في الجهاز الهضمي بشكل ملحوظ وبكدة بول الابل بيعالج بعض المشاكل الهضمية. 

3-التأثير في علاج السرطان 

فيه دراسات اثبتت ان بول الجمل بيحفز عملية الاستماتة في الخلايا السرطانية(Apotosis) من غير ما يأثر في باقي خلايا الجسم السليمة 

4-بيأثر في علاج أمراض الكبد 

فيه دراسات بتبين ان ال urine ليه تأثير ايجابي في علاج أمراض الكبد الالتهابية (Ascites)  

كمان الدراسات دي بتبين ان فيه تحسن ملحوظ في وظائف خلايا الكبد المصاب بالتشمع بعد تناول بول الجمل.

واخر فايدة هي حليب الجمل ودا بيعتبر من المصادر الغذائية الرئيسية عند العرب زمان وبيستخدم في علاج امراض كتير زي 

القرحة وأمراض الكبد وحساسية الأطفال من بعض انواع الأطعمة

وبيستخدم كمان  كمضاد للفيروسات والبكتريا وفي علاج مرض السرطان. 

ومن اهم الحاجات ان في دراسات قامت بالكشف عن خواص الحليب في علاج مرض السكري ودا لأن حليب الجمل فيه عناصر غذائية كتير ومضادات أكسدة ومضادات التهاب. 

وفيه كمان هرمون الإنسولين ودا بيقلل نسبة السكر في الدم عند الناس اللي مريضة بالسكر.

معظم الامراض اللي ممكن تصيب الجمل وازاي نعالجها 

1- وأول مرض هنتكلم عنه هوالجدري او (camel pox) ودا مرض منتشر وبيكون بسبب فيروس اسمه (Orthopoxvirus cameli) ودا فيروس بيصيب الجمل بس طب بيصيبه ازاي بيتنقل في الهواء على مسافات قصيرة  فممكن يصيب الجمل اللي عنده جروح مكشوفة او عن طريق لدغ الحشرات

- طب المرض دا ايه اضراره 

دا بيفسد حليب الجمل وكمان بيعمل التهاب رئوي وتقرحات جلدية

- بنعالجه ازاي 

في الحقيقة مالوش علاج محدد ولكن ممكن نستخدم حقنة البنسلين الستربتوميسين(Penicillin streptomycin) بتركيز 2% ويُفضل كمان انه ياخد حقن vitamin A لإنها بتساعد على الشفاء بشكل أسرع 

وكمان لازم نستخدم فازلين علي التقرحات خاصة حوالين الفم لمنع حدوث التشققات.

2- تاني مرض معانا مرض داء الكلب او (rabies) اكتشفوا أول حالات داء الكلب في الجمال في شمال افريقيا والشرق الاوسط وظهر مؤخراً في المغرب وموريتانيا والسودان واليمن والإمارات والنيجر والأردن. 

الفيرس دا مُعدي يعني بينتقل من حيوان للتاني عن طريق اللعاب. 

فالجمل بيتصاب بالفيرس دا لما بيلتقي بالكلاب المصابة او الحيوانات المفترسة المسعورة زي الضبع وممكن كمان انه ينتقل طريق اللدغ من الحشرات.

- طب ايه هيا أعراض المرض 

العض، الحكة، الخمول، الكسل، فقدان الشهية وبيوصل كمان للامتناع عن الاكل والماية، وفرط حركة الرأس والهزة، والاستلقاء الجانبي كمان بيوصل للموت في خلال من 7-10 ايام

- طب المرض دا ليه علاج

للأسف مفيش علاج للمرض دا ولازم نبدح الجمل فوراً بس فيه وقاية واحتياطات من مرض داء الكلب اننا نكرر تطعيم الحيوانات ضده بشكل مستمر وكمان لازم باقي الجمال تاخد اللقاح في حال لو واحد منهم اتصاب بيه.

3- وآخر مرض هنذكره النهاردة هومرض الهيام(Trypanosomiasis)

ودا بيعتبر من أخطر الأمراض المَعِدية اللي بتصيب الجمال بيسببه طفيل اسمه (Trypanosoma evansi)  ودا بيعيش في دم الجمال المصابة وبيتنقل عن طريق الذباب الماص للدم زي ذبابة التبانس (Tabnus) وذبابة الاسطبل (Stomxys) وغيرهم ودول بينتشروا اكتر في الربيع والصيف و بكدا بيتنقل من الجمل المصاب للسليم بواسطة الحشرات ودا ممكن نشوفه تحت الميكروسكوب في مسحة دموية في أُذن الجمل المصاب

المرض دا بيظهر بصورتين : حاد ومزمن

اول حاجة المرض الحاد 

ودا فيه بترتفع درجة حرارة الإبل ارتفاع محلوظ وبتفقد الشهية وممكن تموت لو متمش علاجها بسرعة

تاني حاجة المرض المزمن

ودا ممكن يستمر لمدة اربع سنوات وفيه بيصيب الجمل بهزال شديد وانيميا واختفاء السنام وشحوب في الاغشية المخاطية وارتفاع حرارة الجسم بصورة مترددة وظهور اورام اسفل البطن وفي الأرجل الخلفية ومعدل الخصوبة بيقل وكمان بيحصل اجهاض في اخر مراحل الحمل

طب ايه هو علاج مرض الهيام

اول حاجة بينديله حقنة سيملارسان بمعدل وتركيز معين

وبندي جرعات وقائية للجمال في الاماكن اللي بيستوطن فيها المرض وفي الفترات اللي بينتشر فيها الذباب الماص.

#EVU_SCU

Our union is our power