هنتكلم عن bulldog
1-ظهر امته
هنتكلم عن فصيلة الـ Bulldog و اللي يعتقد ان اول فصيلة منها ظهرت ف العهد الروماني القديم🤓 في الفترة بين 41-476 قبل الميلاد و اتعرفت الفصيلة دي باسم Bulldog Alaunt و مع مرور الزمن قدرت الفصيلة دي انها تبقى بمثابة رمز فـ الثقافة الانجليزية بحسب كلام الـ BBC ان الفصيلة دي عندها قبول فـ انجلترا تعبيرا عن القوة.
2- سبب تسميته كده
مش ملاحظ ف الاسم وجود كلمة (Bull - طور) في الحقيقة وجود الكلمة دي مجاش من فراغ او من تشابه بين قوة الكلب و الطور و هنا خليني احكيلك ليه اتسمى كدة
زمان فـ انجلترا بالتحديد فـ القرن الـ 19 ميلاديا كانت منتشرة رياضة دموية و هي صيد الثيران باستخدام الفصيلة دي من الكلاب و من هنا دخلت كلمة (Bull-طور) فـي اسمه
هتقولي ليه الفصيلة دي كانت بتستخدم للغرض ده هقولك تعالى اقولك ع المميزات اللي خلت الكلاب تستخدم عن غيرها.
الكلب بيتميز بجسم قصير بيديله افضلية انه يقرب من الطور من غير ما يحس بيه كمان بيتميز برجوله الخلفية القصيرة اللي هتيجي ف بالك ان ده عيب بس دي ميزة بتخليه ثابت ف الارض اكتر و تصعب ع الطور انه يرميه في الهوا دفاعا عن نفسه مش كدة و بس لا الـ Bulldog بيضحي النهاردة و بيتميز بعضة قوية جدا تقدر بـ 305 باوند/انش² و ده بيخليه يمسك ف الهدف بشكل اقوي و اعنف مع (بروز الفك السفلي عن العلوي-Mandibular prognathism) اللي بيساعد ف قوة العضة.
كمان فم الكلب الصغير بيديله ميزة التنفس الجيد و هو ماسك ف الهدف و اخر حاجة هي ان جلد الكلب فضفاض نسبيا بيعمل كعازل لاعضاءه بغرض الحماية و عنده تجاعيد ف وشه بتديله نظرة مخيفة.
3-خصائصه
فصيلة الـ Bulldog من الفصايل (قصيرة الشعر-Shorthair) متوسطة الحجم تتميز بكبر حجم الرأس و الاكتاف نسبيا و ده بيخلي اغلب عمليات الولادة تبقى قيصري ، كمان بيتميز بوجود تجاعيد ف الجلد ع طول الجسم كله و ده مهم ف العناية عشان كدة لازم المساحات بين التجاعيد دي تتنضف باستمرا عشان نتجنب العدوى م الفطريات اللي ممكن تنمو في الاماكن الرطبة اللي زي دي لان الـ Bulldog معرضة اكتر للاصابة بـ (التهابات بين ثنايا الجلد-Skin fold dermatitis) و عشان كدة لازم نعتني بالمناطق دي جدا.
وزن الذكربيوصل 25 كيلو و الانثى حوالي 23 كيلو ، متوسط عمره حوالي 9 سنين و بيبان عليه علامات العجز من اول سنة 4 ل 5 سنين ، الوانه بتختلف من الابيض للبني او ابيض فـ اجزاء بني و بيتميز بديل قصير طبيعي و ده بيخلي عمليات (بتر الديل-Docking) قليلة.
زمان كان سلوكه عنيف و كان بيستخدم ف الحروب و صيد الثيران زي م قولنا بس مع السنين بدأ السلوك ده يهدى شوية و يبقى مستأنس اكتر و من الكلاب الجميلة ف المرافقة ع الرغم انه ممكن يبقى كسول شوية بس كل حاجة بتتغير بالتدريب .
التدريب بالمناسبة لازم يبقى فترات قصيرة عشان الـ Bulldog بيعاني من صعوبة التنفس زي م هنوضح السبب و كمان من الكلاب الذكية و العنيدة فـ نفس الوقت و لازم تديله اهتمام و رعاية و لعب لفترات محترمة عشان ميحسش بالملل و يبدأ سلوكه يتغير لسلوك عدواني مش هيعجبك.
بس من الحاجات الطبيعية في سلوك الفصيلة دي هي اظهار السلوك العدواني ضد الكلاب التانية فـ عشان تتجنب كدة لازم تجيب الكلب و هو صغير و تدربه ع التعرض لكلاب تانية بحيث يبقى امر عادي بالنسبة له.
من الصعوبات اللي بتواجه الفصيلة دي هي (قصر الرأس -Brachycephalic) و نتيجة لكدة هتلاقي المخ و محتويات الجمجمة مضغوطة عشان المساحة الصغيرة و بيتسبب ف حالات عصبية زي خوف النوع ده من الماية و كمان بنلاقي العيون جاحظة لبرة و مشاكل ف الرؤية و عدم وجود مساحة كافية ف الفك لاستيعاب عدد الاسنان كلها فـ ممكن يعاني من (التهابات اللثة-Periodontitis) كمان بنلاحظ صعوبة فـ التنفس و عشان كدة فترات التدريب لازم تبقى قصيرة زي ما اتفقنا عشان تتجنب التعب و اللي ممكن يوصل لحالات اغماء.
EVU_SCU#
Our union is our power