مقدمه في علم الامراض المشتركه
المشتركه دي مهمه للبيربي اي نوع من الحيوانات و للاطباء البيطريين و عمال المسالخ ومصانع اللحوم والجلود والالبان والاجبان واي حاجه ليها علاقة بالحيوان لانهم الفئة الاكثر عرضة للي هنكلم عليه حالا
الموضوع وكل ما فيه ان فيه امراض بتتنقل من الحيوان ️ للانسان و ممكن ميكنش المرض ظاهر على الحيوان بنفس الشده اللي ظهر بيها على الانسان
دا في حوالى 300 مرض مشترك واكتر كمان و من اشهر الناس اللي اتصابت واتوفت عندك الاديب إدجار الان بو سبب وفاته كان غير محدد ساعتها ولكن ظهر عليه اعراض السعار و تشنجنات شديدة وويلياااااااام شكسبير مات بسبب الطاعون عندك الكورونا اللي موريه العالم كله الويل
طب الامراض دى بتتنقل ازاي و احمى نفسي ب ايه و اعمل ايه لو اتصابت واحدة واحدة عليا عزيزى القارىء واقولك نعرف المسبب بتاعها الاول ودول جم منين اصلا و هجاوبك ع كل اسئلتك
🌝بص يا سيدى الامراض دي بتعدد مسببتها
🌚يعنى ممكن تبقي ايه مثلا عزيزي الكاتب
🌝هقولك انها ممكن تكون بكتيريا أو طفيليات أو فيروسات او فطريات أومسببات غير تقليدية (البريونات)
🌚كل ده عزيزي الكاتب
🌝 تعالي افهمك بالتفصيل متتخضش كده اومال يلي
1- بكتيريا
دي اغلبها بيتنقل عن طريق الاكل زى : ال campylobacteriosis اللي بتسبب حمى و الم بالبطن و اسهال وال بروسيلا Brucellosis اللي بتتنقل من الابقار سواء بقا الاحتكاك او التعرض لمنتاجتها من البان و لحوم لو كانت مصابة
الجمرة الخبيثة Anthrax اللي بتسببها ال Bacillus Anthraces و الطاعون اللي قالو عليه ساعتها الموت العظيم او الموت الاسود اللي بيحصل بسبب الإنتروبكتريسا
2- الطفيليات :
الديدان الشريطية ودي بقا بتتنقل لما تيجي تاكل لحوم الابقار وهى نية او مش مستوية كويس
وعندك الجرب مرض جلدى من ضمن الطفيليات الخارجية
Cysticercosis Taenia ودي بتصيب الخنزير وتتنقل للانسان وتسبب تشنجات وصداع واعراض اخرى
دا غير بقا ال trematedosis وال hydatidosis و الtoxoplasmosis وال trichinollosis وليلة كبيرة اوى سعاتك
3- الفيروسات :
السعارو دا بيصيب اغلب الحيوانات ذوات الدم الحار زي القطط والكلاب وبيتنقل منها لحيوانت اخرى او للانسان
فيروس حمى الوادي المتصدع من جنس Phlebovirus وعائلة Bunyaviridae يسبب الإجهاض والموت بين الحيوانات وتنتقل العدوى للبشر عن طريق البعوض.
الحقيقة الفيروسات كتير بتسبب امراض مشتركة ومنها الايبولا والانفلونزا والكورونا
4-الفطريات :
هنقول ايه ولا ايه (Dermatophytoses) دى عبارة عن فطريات سطحى مكتسبة من الحيوان المصاب و بتأثر على الجلد والشعر والأظافر وتسبب الحكة والإحمرار ووجود قشور، وفقدان الشعر هناك إصابة فطرية أخرى يممكن أن تعد من الأمراض المشتركة مثل(sporotrichosis)
من اشهر الامراض الفطرية المشتركة القراع و القلاع و الزيجوميكوزيس والاسبرجيللوسيس و التسمم الفطرى والاجهاض الفطرى
5- مسببات غير تقليدية (البريونات):
و دى مجموعة من البروتينات اللي بتميز الامراض العصبية المميتة في الحيوانات والبشر 🤕و من امثلتها مرض جنون البقر (Encephalopathy Spongiform Bovine)
6- طرق نقل الامراض المشتركة
عن طريق الهوا ( الانفلونزا )
اللدغات زي ( السعار )
الاحتكاك المباشر مع الحيوانات المصابة
العوامل الحية الناقلة زى القراد و البعوض و القمل و الفئران
عن طريق ملتحمة العين عن طريق الجهاز الهضمى ب انك تاكل المنتجات والمشتقات الحيوانية المصابة مثل مرض السل البقري بيصيب الانسان لو شرب بعض الألبان الغير معامله حراريا أو تاكل اللحوم المصابة بالتوكسوبلازما.
7- طب ازاي أتجنب الإصابة بالأمراض المشتركة :
- اغسل ايدك بالماء والصابون بعد اي تعامل مباشر أو غير مباشر مع الحيوان فاهم ولا لا
-متمسكش أي مخلفات روثية لاي حيوان من غير ما تكون لابس جلاڤز واقي و كمان إزالتها بشكل دورى
- المحافظة على المجازر نظيفة و جيدة التهوية بعيد عن المنازل
-اختيار معدات سهلة التنظيف والتعقيم
- شراء الحيوانات من مصادر تثق فيها ومتعددش المصادر قدر الإمكان
-حجر حيوانات الجديدة قبل دخولها القطيع بنختبرها
- شراء الاعلاف من مراكز بيع مرخصة والتخلص من الاعلاف التالفة والأدوية والمبيدات المنتهية الصلاحية
- التخلص من الحيوانات الميته بشكل سليم وبواسطة مختصين
- تجنب الذبح خارج المسالخ الرسمية اضمنلك بدل ما نصادرها منك واحنا دكاتره بيطريين
- طعم الحيوان بتاعك التطعيمات اللازمة في مراكز الرعاية البيطرية المعتمدة.
-يجب عمل فحص للحيوان خارجيا دايما علشان تتأكد من عدم وجود أي طفيليات خارجية زي الجرب والقراد او اي اصابات فطرية زي القراع و السعف و وتجيب العلاج ب اسرع وقت بعد عزل الحيوان فى مكان مناسب
- لو تعرضت للعض او الخدش من اي حيوان.. اغسل المنطقة المصابة بالماء والصابون فورا و استخدم بعض الاسعافات الاولية او روح للدكتور لو كنت قلقا.
المكافحة الدائمة للفئران والقوارض والحشرات فى محيط بيتك لأنها قد تكون سبب في نقل بعض الأمراض
كده عزيز القارئ عرفتك بعض المعلومات هتكون كافيه أنها تحميك ولو نسيت امثلة الامراض ارجع اقرأ ده الاول
لالا انت رايح فين داانا وانت لسالنا موضوع كبير انا هريحك حبه بس داانا قلتلك أن في حوالي 300مرض مشترك بين الإنسان و الحيوان لسه معايا انا وانت قصص وروايات وده الا هتعرفوه في مدوناتنا الجايه .
EVU_SCU#
Our union is our power