بعض امراض الجهاز التنفسي للدواجن وطرق علاجها والوقاية منها
1- داء نيوكاسل New castle disease virus
ده مرض فيروس بتختلف الأعراض علي حسب سلالة الفيروس من ضعيف وقوي وعلي حسب حالة القطيع
ايه اعراض المرض ده يا تري
اقولك أو متلاقي الطيور عندها سعال أو لهاث أو إسهال مائي
اتأكد ازاي لما تلاقي الطيور عنده عجز في الحركة أو تدلي الأجنحة أو تورم الأنسجة حول العين واكتر حاجه ممكن تخليك تتأكد حدوث التواء للرأس على جنب وكمان انخفاض جودة وإنتاج البيض
طريقة
الوقايه والتحصين .
شوف يا سيدى الفيروس دا ليه نوعين من التحصين
التحصين الحي(activated vaccination) ايه و ده انا بستخدم فيه ايه النوع دا من التحصين بنستخدم فيه الهتشنر والكولون واللاسوتا.
دلوقتي هوا امتا بقا بعمل كده من دوره العنبرهقولك غالبا كده بنستخدم الهتشنر ف عمر ٧ايام ف ماء الشرب وممكن نستخدم الكولون ف عمر ١٨يوم .
التحصين الميت (inactivated vaccination) وده بيكون حقن ف عمر من(6-9 ) ايام. حجم الجرعه بتكون1/2 سم ف عضلة الصدر .
واكيد ولازم نحط ف الاعتبار أن المرض دا بيقبل ال Supra infection ايه انت بتقول ايه بسيطة دا معناه أن كل اما تحصن اكتر كل ما تاخد مناعه اكتر بس لو قدر الله والمزرعة أصيبت بالفيروس ممكن تعمل تحصين اضطراري emergency vaccination ودا احيانا بينفع مع اتخاذ الإجراءات البيطرية ولكن اغلب الوقت سلم ع الشهداء الي معاك
اعراض ما بعد الموت
فيروس ال Newcastle هتلاقي نمش علي الغشاء المخاطر للاحشاء بنلاحظ التهاب في فى الترقية، وفي ال cecal tonsil و معدة الطائر "proventriculus".
2- النيموا فيروس Avian pneumovirus
المرض ده مشكلة شوية عشان معظم اعراضة شبه اعراض امراض تانيه رغم أنه شبه مميت وبالذات مع الديك الرومي
ايه الأعراض دي بقي
انت دلوقتي بتقول أنه شبه امراض كتير اعرفه ازاي
عشان أنا بقول أنه رخم شويه فمن الأعراض بتاعته العطس والسعال وإفراز الانف وده ذي كتير من الأمراض
بس ممكن تلاقي اعراض ذي التهاب الجيوب الأنفية والعجز عن الحركة والتواء الرأس علي جنب أو تورم الرأس والوجه
ممكن تلاقي كمان انخفاض في إنتاج البيض او ممكن الطيور الصغنونه معتش تكبر تاني ومن الاخر عشان هو مرض رخم التحليل المعملى هو الفاصل ال هيأكد وجود المرض من عدمه
طريقة الوقايه والتحصين .
ده بقي الوقاية فيه أبسط يعني كل المطلوب تحصين حي للطيور ال عمرها صغير و تحصين غير نشط للطيور الا عمرها كبير شوف بسيط اذاي.
3- اللتهاب معوي
شعبي Infectious Bronchitis
عندنا الفيروس ده وهو مش هيختلف كتير عن فيروسات الجهاز التنفسي
أعراضه ايه
سعال وعطس وضيق تنفس للكتاكيت لا وكمان بيسب تورم الوجه وبيخلي الطيور تأكل علف اقل من العادي وزيادة في الوزن وتشرب مياه كتير
كمان بيقلل نسبه إنتاج البيض 70% ونسبه الوفيات فيه تصل ال 60 في حاله لو كان مش جاي لوحده معاه عدوي بكتيرية . وممكن تلاقي كمان إفرازات متجبنه في القصبة الهوائية والجيوب الأنفية
طريقة الوقايه والتحصين .
المرض دا بقي ملوش علاج مخصص بس ممكن محاولة علاج الدواجن المصابه بالمرض ف شكل إعطاء عليقه علاجية ونضيف ليها مضادات حيوية زي السلفاديازين أو التيراميسين أو الاوريومايسين لتجنب العدوي الثانوية البكتيرية .
كمان انك تعمل شوية اجراءات جوه العنبر زي زيادة التهوية عن المعدل الطبيعي ليها عشان اتخلص من اي غازات ضاره بالجهاز التنفسي
كمان ممكن وده الاحسن نربي الطيور ال متقاربه بالعمر ونحصنهم في نفس الوقت وياه بقي لو الكتاكيت من أمهات عرفت تهزم المرض
EVU_SCU#
Our union is our power