تحليل هرمون الغدة الدرقية
ده تحليل بيفحص نسبة هرمون الثيروكسين Thyroid hormone الحر ف الدم طب ايه هو هرومن الثيروكسين الاول و وظيفته ايه ؟
ده هرمون بتفرزه الغده الدرقيه thyroid gland وظيفته انه مسؤل عن عمليات كتيره في الجسم أهمها ايض الغذائي metabolism و بيكون موجود ف الدم حر او مرتبط ببروتين الجلوبيولين
يعتبر عنصر اليود مهم جدا في تركيبه كمان فى منه انواع زى T3 و T4 بس الشكل الرئيسي هو T4 ونسبة T3:T4 في الدم حوالي 1:20 و نسبة الثيروكسين الحر ف الدم بتمثل 0.03 % من كل الثيروكسين اللى ف الدم
طب ما دام نسبة الهرمون الحر صغيرة اوى كده ليه مش نقيس نسبة المرتبط بالجلوبيولين و خلاص و على اساسه نحدد هو مستواه مرتفع او منخفض؟
للاسف بروتين الجلوبيولين بيتأثر بوجود امراض معينة او المريض بيخد ادوية معينة و حتى بالظروف الصحية زى ان وجود حمل مثلا بيرفع نسبة الجلوبيولين و علشان كده لازم نقيس نسبة الهرمون الحر ف الدم علشان تكون القيمة سليمة.
طب امتى الشخص يشك انه عنده خلل ف هرمون الثيروكسين ؟
و ده بيكون حسب الخلل ده بالزياده ولا النقصان ؟!!!
لو حصل مشكله بالزياده في افراز الهرمون هتبدأ تظهر عندي اعراض hyperthyrodism وده بيكون واضح جدا في أن معدل الحرق بيكون عالي جدا جدا (لو تلاحظ ناس بتاكل كتير جدا ومش بتتخن خاااالص)
إرهاق شديد وزيادة الحساسيه تجاه الحراره عن باقي الناس و رعشه ف الايدين و الصوابع وزيادة سرعة ضربات القلب وزياده في معدل القلق وتقصف الشعر واضطرابات في الدوره الشهريه.
طب لو الأعراض دي موجوده المفروض اعمل اي ؟
المفروض اتجهه لأقرب معمل تحليل واطلب أحلل تحليلين T3,T4 ودول ممكن الاقيهم normal في الحاله دي فمايبنش أن في مشكلة
لا هتحلل معاهم كمان TSH لان زى م احنا عارفين من ثانوي ان ده الهرمون اللى بتفرزه المايستو ( الغدة النخامية ) علشان تتحكم ف الغدة الدرقية وتاخد التحاليل دي لدكتور وبكورس علاج معين هتكون تمام ان شاءالله
نيجي بقي الحاله التانيه وهو نقص الهرمون و هنا هتظهر عندي اعراض hypothyroidism في الحاله دي هتلاقي معدل الحرق بطئ وزيادة وزن بشكل ملحوظ من غير مبرر ومن غير اكل وصداع وتساقط شعر وجفاف جلد ومشاكل خصوبه.
الحاله دي بيتميز بتباطؤ جميع النظم البدنيه والانشطه الحياتيه وهنا بيكون صعب جدا الكشف في وقت مبكر انك مصاب بالمشكله دي ببساطه لان الأعراض مابتظهرش بسرعه بالعكس بأبطء صوره ممكنه وبيسموها subclinical hypothyrodism
وبرده هحلل نفس التحليلين T3,T4ممكن وهحلل TSH والدكتور بيقدر يحددلك كورس علاج وان شاءالله تكون كويس بعدها
كتير مننا بيعاني من نقص أو زيادة الهرمون بس الأعراض مش واضحه وصريحه فمتكسلش ولو شاكك في حاجه اعمل التحليلين دول
EVU_SCU#
Our union is our power